ताडाळी येथे सांस्कृतिक महोत्सवात खडीगमंत चे सादरीकरण.

ताडाळी गाव येथे 28 फेब्रुवारी ला वार्षिक सांस्कृतिक महोत्सवात  राजेश सोयाम् यानी खडीगमंत व शिवचरित्र पोवाडा गायन केला. सांस्कृतिक महोत्सवाचे कार्यक्रम दरवर्षी घेतले जात होते पण , यावर्षी पहिल्यांदा शिंदोल्याा गावचाच रहिवासी राजेश सोयाम् याने या कार्यक्रमात शिवचरित्र पोवाडा गायन केला. व खडीगंमत साजरी केली. त्याच्या संगतीला त्याने  अनुभवी कलाकार न आणता गावच्याच मुलांना प्रेरित करत त्यांना सलग सात दिवस रिहर्सल करायला लावली. यात यशवंत टोंगे, दीपक जोगी, होते तसेच तबला वाजक म्हणून विश्वास घडसे पेटी वादक किसन दादा होते.  मुळात राजेश सोयाम याने मागच्याच वर्षीच मुंबई विद्यापीठात ड्रामा विषयातून मास्टर्स देखील पूर्ण केलेले आहे.

आयोजकांनी यावेळी राजेश याच्या कलेला दाद दिली व त्याचे पोवाडा गायनानंतर कौतुक देखील केले. या कार्यक्रमाला उपस्थित कार्यक्रमाचे अध्यक्ष म्हणून ताडाळीच्या सरपंचा श्रीमती रेखा पारखी , निखिलेश चामरे, उपसरपंच ताडाळी, एड. देवा पाचभाई, रवी धोटे, पुनम गेडाम इत्यादी होते. या कार्यक्रमानंतर पारितोषिके सुद्धा देण्यात आली.