पिकअप - दुचाकीच्या अपघातात एक ठार , दोन जखमी.

कोरपना(प्रतिनिधी):-  पिकअप - दुचाकीच्या  समोरासमोर झालेल्या धडकेत एक दुचाकीस्वार ठार तर दुचाकीवरील दोघे गंभीर जखमी झाल्याची घटना कोरपना - राजुरा मार्गावरील कातलाबोडी फाट्यावर सोमवार दिनांक 21 ला सायंकाळी सव्वा सातच्या दरम्यान घडली. यात कोरपना कडून रामपूर कडे जाणाऱ्या सुपर स्प्लेंडर  एम एच ३४ बी पी ५९८८ ला समोरासमोर गडचांदुर कडून येणाऱ्या महिंद्रा पिकअप क्र ए पी ०१ टी ६४४९ ला जोरदार धडक दिली. 

यात दुचाकीचालक जगदीश कोरांगे वय 25 रा. पिटगव्हण ( तेलंगणा ) हा जागीच मृत्यू पावला. तर दुचाकीवरील रुपेश मेश्रम ( २५ ) , शंकर कोडापे ( २२) रा. रामपूर यांच्या पायाला गंभीर दुखापत झाली. त्यांना लागलीस कोरपना पोलिसांनी ग्रामीण रुग्णालय कोरपना येथे प्राथमिक उपचार करून चंद्रपूर येथे रेफर केले आहे. पुढील तपास ठाणेदार सदाशिव ढाकणे यांच्या मार्गदर्शनाखाली कोरपना पोलीस करीत आहे.