वरूर रोड येथील रक्तदान शिबिराला युवकांचा उत्स्फूर्त प्रतिसाद

वरूर रोड:    छत्रपती शिवाजी महाराज यांच्या ३९२ व्या जयंती निमित्त ग्रामपंचायत कार्यालय वरुर रोड येथे भव्य रक्तदान शिबिराचे आयोजन करण्यात आले. या कार्यक्रमाचे आयोजन युवा समाज सेवक ग्रुप वरूर रोड यांनी केले. सर्वप्रथम छत्रपती शिवाजी महाराज यांच्या प्रतिमेला मान्यवरांच्या हस्ते पुष्पहार अर्पण करण्यात आले. यावेळी सामान्य रुग्णालय चंद्रपूर येथील प्रमोद कोरडे, अर्पणा रामटेके,आशिष कांबळे उपस्थित होते.

गरजू रुग्णांना रक्ताची टंचाई भासू नये म्हणून युवा समाज सेवक ग्रुप वरुर रोड यांच्यामार्फत सलग ४ वर्ष झाली रक्तदान शिबिराचे आयोजन करण्यात आले आहेत. दरवर्षी युवकांमार्फत वेगवेगळे सामाजिक उपक्रम राबविले जातात. या शिबिराला युवकांनी उत्स्फूर्त प्रतिसाद देत रक्तदान केले. प्रा.उत्कर्ष गायकवाड, आदर्श कोठारवार, विशाल शेंडे,मंगेश भोंगळे,कार्तिक सिडाम, मयूर जानवे,साहिल मडावी, प्रवीण चौधरी,आशिष धोबे, तेजस वडस्कर, आदर्श तेलंग, महेश वसाके आदी युवकांचे कार्यक्रम यशस्वीरित्या पार पाडण्याकरिता मोलाचे सहकार्य लाभले.