घुग्गुस शहरात जुन्या वादातून धारदार शस्त्राने युवकाची हत्या..!

घुग्गुस शहरात जुन्या वादातून धारदार शस्त्राने युवकाची हत्या करण्यात आली असल्याची धक्कादायक घटना घडली आहे.  कादर शेख असे मृतकाचे नाव आहे.या घटनेनंतर आरोपींनी मृतकाच्या चारचाकी वाहनाला आग लावली. खुनाच्या आरोपाखाली काही दिवसांपूर्वी मृतक हा कारागृहातुन जामिनावर बाहेर आला होता.

मृतक कादर शेख व आरोपींमध्ये जुना वाद होता.अशातच घुग्गुस शहरातील बँक ऑफ इंडिया समोर कादर शेख हा आला असता आरोपींनी डोळ्यात मिरची पावडर टाकून धारदार शस्त्राने त्याच्यावर हल्ला केला. यात कादर शेख याचा जागीच मृत्यू झाला. या घटनेची माहिती घुग्गुस पोलिसांना देण्यात आली.त्यानंतर पोलिसांनी घटनास्थळी दाखल होऊन पंचनामा केला.व फरार आरोपींचा शोध सुरू केला आहे.