एसीसी कंपनी कडून होत असलेल्या प्रदूषणाविरोधात नकोडा वासीयांचे धरणे आंदोलन..!

घुग्घुस (प्रतिनिधि): चंद्रपुर तालुक्यातील एसीसी कंपनी कडून होत असलेल्या प्रदूषणा विरोधात नकोडा वासीयांनी शनिवारी धरणे आंदोलन केले असून प्रदूषण बंद करून नागरिकांच्या जीवाशी खेळणे बंद करावे अशी मागणी करण्यात आली आहे.

घुग्गुसच्या नकोडा परिसरात एसीसी कंपनी आहे.या कंपणीद्वारे मागील अनेक वर्षांपासून जीवघेणा धूर सोडला जात असल्याने गावातील नागरिकांना दमा, अस्थमा,खोकला, डोळ्यांचे आजार अशा गंभीर आजारांना सामोरे जावे लागत आहे.सोबतच ध्वनी प्रदूषण सुद्धा मोठ्या प्रमाणात होत असून याचा मोठा त्रास शाळकरी तसेच वयोवृद्ध लोकांना होत आहे.
याबाबत ग्रामपंचायत सरपंच तसेच नागरिकांनी एसीसी कंपनी प्रशासनाला अनेकदा निवेदने दिले.मात्र त्यांच्या निवेदनाकडे अजूनही कंपनी व्यवस्थापनाने लक्ष दिले नसून, याविरोधात आता गावकऱ्यांनी धरणे आंदोलन सुरू केले आहे.

नकोडा गावातील काही राजकीय पक्षांनी एसीसी कंपनी द्वारे प्रदूषण होत नसल्याचे पत्र जिल्हाधिकारी यांना दिले होते.मात्र हे पत्र आता फोल ठरले असून आपली दुकानदारी सुरू ठेवण्यासाठी तर खोटे पत्र जिल्हाधिकारी यांना पाठवले नाही ना? अशी शंका उपस्थित होते आहे.