पाठ्यपुस्तकातील प्रत्यक्ष बारा कवींना ऐकण्याची संधी !

डॉ. पंजाबराव देशमुख शिक्षक परिषदेचा अभिनव उपक्रम !

मंगेश तिखट (प्रतिनिधी): शिक्षणमहर्षी डॉ पंजाबराव देशमुख शिक्षक परिषदेच्या वतीने  पाठ्यपुस्तकातील इयत्ता पहिली ते दहावीपर्यंत प्रत्यक्ष कवींचे महाराष्ट्रातील पहिले आभासी राज्यस्तरीय ऐतिहासिक कविसंमेलनाचे आयोजन करण्यात आले असून दि २१फेब्रुवारी २०२२ रोजी सोमवारी सायंकाळी सात वाजता  https://youtube.com/c/ZpLiveEducation या युट्युब लिंकवर लाईव्ह दाखवण्यात येणार आहे अशी माहिती संघटनेचे जिल्हाध्यक्ष आयोजक कवी एम.एम.खुटे यांनी दिली आहे.

कविसंमेलनाचे उद्घाटन शालेय शिक्षण राज्यमंत्री बच्चू कडू यांच्या हस्ते होणार असून अध्यक्षस्थानी संघटनेचे प्रदेशाध्यक्ष प्रभाकर झोड असणार आहे. प्रमुख अतिथि म्हणून शिक्षक आमदार विक्रम काळे, शिवसेना प्रवक्ते आमदार अंबादास दानवे, दैनिक सकाळ मराठवाडा आवृत्तीचे संपादक दयानंद माने उपस्थित राहणार आहेत.तांत्रिक सहकार्य तंत्रस्नेही शिक्षक गजेंद्र बोंबले, नितीन अंतरकर यांचे असून सुत्रसंचलन संदिप ढाकणे करणार आहे. पाठ्यपुस्तकातील खालील मान्यवर कवी कवयित्री प्रत्यक्ष उपस्थित राहून त्यांच्या पाठ्यपुस्तकातील कविता सादर करणार आहेत.

एकनाथ आव्हाड (चांदोबाच्या देशात इ.२री) तुकाराम धांडे (रानवेडी इ.३री) डॉ.अशोक कोळी (धुळपेरणी इ.४थी) उत्तम कोळगावकर (या काळाच्या भाळावरती इ.६वी) शंकर कसबे (माझ्या आज्यानं पंज्यानं इ.६वी) मृणालिनी कानिटकर-जोशी (माझी मराठी इ.७वी) सुनंदा भावसार (थेंब आज हा पाण्याचा इ.७वी) हनुमंत चांदगुडे (आळाशी इ.८वी) डॉ.कैलास दौंड (गोधडी इ.८वी) तुकाराम धांडे (वनवासी इ.९वी) डॉ.विरा राठोड (मनक्या पेरेन लागा (इ.१०वी) आदी कवी कवयित्री उपस्थित राहणार आहेत. पाठ्यपुस्तकातील कविता प्रत्यक्ष खुद्द स्वत कवीच सादर करणार असून विद्यार्थी, शिक्षक,पालक व साहित्य प्रेमींसाठी हा क्षण अविस्मरणीय अनुभव ठरणार आहे.

सदर कविसंमेलनास उपस्थित राहून लाभ घेण्याचे आवाहन अरूण गोर्डे, भास्कर गोपाळ, आत्माराम गोर्डे, गोविंद गायकवाड, योगेश गायकवाड, गोरक्ष जगताप,ए.बी.पठाण, दिपक नवथर, अशोक आढाव, नारायण बहिर, गणेश पूरी, विशाल तिखे, अण्णासाहेब इंगळे,पी.ए.गाढवे आदिनी केले आहे.