भीषण अपघातात दोन तरुण जागीच मृत्यू....

नौशाद शेख (विशेष प्रतिनिधी):  वर्धा  पुलगाव-आर्वी रोडवर उभ्या असलेल्या टिप्परला मागुन जबर धडक दिल्याने झालेल्या भीषण अपघातात दोन जण जागीच ठार झाले.रेतीने भरलेले टिप्पर क्र.एम.एच. 32 क्यू 7007 मध्ये बिघाड झाल्याने रात्री पासून गुंजखेडा शिवारात रोडवर उभा होता. 

दरम्यान आज दुपारी दिड वाजेच्या सुमारास आर्वी कडे भरधाव वेगाने जात असलेल्या दुचाकी वाहनाने उभ्या टिप्परला जबर धडक दिली. यात दुचाकी वाहन चालक सुरेश किशोर ढोले वय 25, सचिन उमेश कनेरी वय 29,या दोघांचा जागीच मृत्यू झाला.  हे दोघे आर्वी तालुक्यातील रसुलाबाद येथील रहिवासी होते. 

ते पुलगाव हून रसुलाबादला आपल्या घरी जात असल्याचे समजते.धडक ईतकी जबरदस्त होती की टिप्परच्या मागील दोन चाकात दुचाकी वाहनाचे समोरचे अर्धे चाक फसले होते. त्यामुळे फसलेले दुचाकी वाहन तोडून बाहेर काढावे लागले पुलगाव .पोलीस निरिक्षक शैलेश शेळके,रमेश रघाटाटे, हाडके,टाकोने,पांडे सानप, वाहतूक पोलीस संतोष राठोड,एक एस आय दिपक तुमडाम घटनेचा तपास करीत आहेत.