चंद्रपुर तालुक्यातील घुग्गुस पोलीस ठाण्यात 70 वाहनांचा आज मंगळवारी लिलाव करण्यात आला असून पोलीस निरीक्षक बबन पुसाटे यांच्या उपस्थितीत हा लिलाव करण्यात आला

देवानंद ठाकरे (घुग्घुस प्रतिनिधि): पोलिस स्टेशन, घुग्घुस येथे बऱ्याच कालावधीपासुन दुचाकी वाहने जमा आहेत. उपविभागीय दंडाधिकारी, चंद्रपुर यांच्या आदेशान्वये कोणीही व्यक्ती सदर वाहनांबाबत त्यांचा हक्क सांगण्यासाठी किंवा प्रस्थापित करण्यासाठी हजर न झाल्याने महाराष्ट्र पोलीस अधिनियम 1951 चे कलम 87 अन्वये सदर वाहनांचा लिलाव पोलिस स्टेशन,घुग्घुस येथे दि. 15 फेब्रुवारी 2022 रोजी करण्यात आला.

या लिलावातील 70 मोटार सायकलची परिक्षणाची तसेच अमानत रक्कम, नोंदणीची तारिख दि. 14 फेब्रुवारी रोजी सकाळी 10 ते दुपारी 2 वाजेपर्यंत भरायची होती. त्यानंतर आज मंगळवारी पोलीस निरीक्षक बबन पुसाटे यांच्या उपस्थितीत हा लिलाव करण्यात आला.यावेळी तब्बल 70 वाहनांचा आज मंगळवारी लिलाव करण्यात आला.