धानोरा टोलनाक्यावर ट्रक चालकांना लुटणाऱ्या चार आरोपींना घुग्गुस पोलिसांनी केली अटक.

घुग्घुस पोलिस व डीबी पथकाची धडाकेबाज कारवाई, चार आरोपीला अटक.

घुग्गुस (प्रतिनिधी): चंद्रपुर तालुक्यातील धानोरा टोलनाक्यावर ट्रक चालकांना लुटणाऱ्या चार आरोपींना घुग्गुस पोलिसांनी अटक केली असून त्यांना न्यायालयात हजर केले असता 13 फेब्रुवारी पर्यंत पोलीस कोठडी सुनावली आहे. 

धानोरा टोल नाक्यावर काही ट्रक चालक आपले ट्रक पार्किंग करून झोपले होते. अशातच चार आरोपींनी चाकूचा धाक दाखवून ट्रक चालकांना मारहाण केली.तसेच त्यांच्याजवळ असलेले पैसे चोरून नेले होते. याची माहिती घुग्गुस पोलिसांना देण्यात आली होती.

त्यानंतर पोलीस अधीक्षक, उपविभागीय पोलीस अधिकारी, पोलीस निरीक्षक यांनी घटनास्थळी दाखल होऊन तपास केला. तसेच या घटनेचा तपास तात्काळ करण्याचे निर्देश पोलीस अधीक्षक साळवे यांनी पोलीस निरीक्षक बबन पुसाटे यांना दिले. 

त्यानंतर पुसाटे यांनी घटनेचे गांभीर्य लक्षात घेता डीबी अवधेश ठाकुर,मनोज धकाते,महेंद्र वन्नकवार,रंजित भुर्से,प्रकाश करमे, नितिन मराठे,रवी वाभिटकर, सचिन वासाडे,महेश मांढरे,महेश कुंभारे,पथकातील कर्मचाऱ्यांनी तपास करून अनुराग भोसले,जाक्की भोसले,उमेश भोसले,सिंनू पवार या चार आरोपींना अटक केली.त्यांना 13 फेब्रुवारी पर्यंत पोलीस कोठडी सुनावण्यात आली आहे.