पोलीस स्टेशन पासून एसीसी कंपनीच्या मुख्य रस्त्याची साफसफाई करा ।। उषा आगदारी यांची मागणी.

देवानंद ठाकरे (घुग्घुस प्रतिनिधि): घुग्घुस येथील यंग चांदा ब्रिगेड बहुजन समाज महिला आघाडी शहर अध्यक्ष उषा आगदारी यांनी मुख्याधिकारी अर्शिया जुही यांना निवेदनातून घुग्घुस पोलीस स्टेशन ते एसीसी कंपनीच्या मुख्य रस्त्यावर साफसफाई करावी अशी मागणी केली आहे.

पोलीस स्टेशन ते एसीसी कंपनीच्या मुख्य रस्त्यावर ट्रक, हायवा चालतात त्यामुळे रस्त्यावर धूळ, माती पडून राहते. जाणे येणे करणाऱ्या नागरिकांना याचा त्रास होत आहे. धूळ, माती डोळ्यात नाकात जात असल्याने लोकांच्या  आरोग्यावर परिणाम होत आहे. त्या रस्त्यावर साफसफाई करण्यात यावी अशी मागणी निवेदनातून करण्यात आली आहे.

निवेदन देतांना घुग्घुस यंग चांदा ब्रिगेड बहुजन समाज आघाडीच्या शहर अध्यक्ष उषा आगदारी, आदिवासी आघाडीच्या शहर अध्यक्ष उज्ज्वला उईके, कामिनी देशकर, भुदेवी अट्टेला, ज्योत्सना मस्के, सुनीता चुने, सुजाता देशकर उपस्थित होते.