वृक्षारोपण व लता मंगेशकर यांचे गीत गायन करून दिली भावपूर्ण श्रद्धांजली

राष्ट्रीय कला, साहित्य व सांस्कृतिक समिती चा उपक्रम

प्रतिनिधी: मंगेश तिखट (कोरपना)

                              नैसर्गिक पर्यावरण संवर्धन व मानवता विकास संस्थेअंतर्गत राष्ट्रीय कला साहित्य व सांस्कृतिक समिती तर्फे स्थानिक सोनिया गांधी इंग्लिश कॉन्व्हेंट स्कूल राजुरा येथे स्वर्गीय लता मंगेशकर जी यांना वृक्षारोपण व त्यांच्या आवाजातील गीत गायन करून भावपूर्ण श्रद्धांजली अर्पण करण्यात आली. कार्यक्रमाच्या अध्यक्षस्थानी विजयकुमार जांभुळकर,  नागपूर विभाग अध्यक्ष,नेफडो हे होते. तर प्रमुख अतिथी म्हणून सांस्कृतिक समितीच्या चंद्रपूर जिल्हा अध्यक्षा रजनी शर्मा, महेश जोशी, अमृता धोटे, सोनिया गांधी कॉन्व्हेंटच्या प्राचार्य कृतिका सोनटक्के आदींची प्रामुख्याने उपस्थिती होती.
कार्यक्रमाच्या सुरुवातीला स्वर्गीय लता मंगेशकर यांच्या प्रतिमेला माल्यार्पण करण्यात आले तसेच स्व. प्रभाकरराव मामूलकर यांच्या प्रतिमेला  माल्यार्पण करण्यात आले. त्यानंतर दोन मिनिटाचे मौन घेण्यात आले. करुणा गावंडे -जांभुळकर, कृतिका सोनटक्के, मेघा धोटे, उज्वला जयपुरकर, विना देशकर, स्वरूपा झंवर, महेश जोशी, महेंद्र भादिकर, अमृता धोटे आदींनी लता मंगेशकर यांनी गायन केलेले गीत सादर केले. सांस्कृतिक समितीच्या नागपूर विभागीय अध्यक्ष अल्का दिलीप सदावर्ते यांनी गुजरात येथून आभासी पद्धतीने गाणे गायन केले व शोक संवेदना दिल्या. महेश जोशी यांनी स्त्री व पुरुष यांच्या आवाजात एकाचवेळी गायन करुण उपस्थितांचे लक्ष वेधून घेतले. कार्यक्रमाचे सूत्रसंचालन माणिक उपलंचीवार, राजुरा तालुका महिला अध्यक्षा यांनी केले. प्रास्ताविक रजनी शर्मा तर आभार प्रदर्शन कृतिका सोनटक्के यांनी केले. महाराष्ट्र राज्य अध्यक्ष बादल बेले यांच्या मार्गदर्शनात हा कार्यक्रम घेण्यात आला. कार्यक्रमाच्या यशस्वीतेकरिता मोहनदास मेश्राम,  आशिष करमरकर, भास्कर करमरकर, विलास कुंदोजवार, सुनैना तांबेकर, सुनीता उगदे, किरण हेडाऊ, राजश्री उपगन्लावार, पूर्वा देशमुख, ललिता खंडाळे आदिसह सांस्कृतिक समिती, नेफडो व सोनिया गांधी कॉनव्हेट च्या प्राचार्य, शिक्षक, कर्मचारी यांनी अथक परिश्रम घेतले.