बबन पुसाटे घुग्गुस पोलीस ठाण्याचे नवे पोलीस निरीक्षक, स्वीकारला पदभार

देवानंद ठाकरे (घुग्घुस प्रतिनिधि): चंद्रपुर तालुक्यातील घुग्गुस पोलीस ठाण्यातील पोलीस निरीक्षक राहुल गांगुर्डे हे 31 तारखेला सेवानिवृत्त झाले असून त्यांच्या जागी आता नवे पोलीस निरीक्षक म्हणून बबन पुसाटे यांनी पदभार स्वीकारले आहे.

नवे पोलीस निरीक्षक आल्याने विविध सामाजिक,राजकीय नेत्यांकडून भेटीगाठी सुरू झाल्या आहेत.

घुग्गुस शहर हे औद्योगिक शहर म्हणून जिल्ह्यात ओळखले जाते. या शहरात अवैध धंदे, वाहतूक व्यवस्था,चोरी ही मोठी गंभीर समस्या आहे. अशातच शहरात छोटे मोठे गुन्हे देखील घडत असतात.

त्यामुळे नवीन पोलीस निरीक्षक रुजू झाल्याने शहर वासीयांच्या नजरा आता त्यांच्या कामकाजाकडे लागल्या आहेत.