परिवहन महामंडळ कर्मचारी जय विदर्भ पार्टी यांचा जाहीर पाठिंबा

मंगेश तिखट (कोरपना प्रतिनिधी ): चंद्रपूर आगार येथे एस. टी. कर्मचार्यांचा संपाला जय विदर्भ पार्टीचे चंद्रपूर जिल्हा प्रभारी सुदामभाऊ राठोड व जय विदर्भ पार्टी चंद्रपूर जिल्हाध्यक्ष योगेशभाऊ मुर्हेकर यांनी एस.टी.आगार येथे जाऊन जाहीर पाठिंबा दिला.

एस.टी. शासनात विलीन झाल्यास जनतेचे फायदे, विलीनीकरण करून झाल्यास एसटी च्या सार्वजनिक मालमत्तेवर होणारा भ्रष्टाचार थांबेल,गाव तिथे एसटी म्हणजे महाराष्ट्र दळण वळण आणखी बळकट.जेष्ठ नागरिक ,विद्यार्थी, अंध,अपंग इतर सवलती टिकून राहतील, राज्य शासनात विलीनीकरण झाल्यास अंदाजे ४०% तिकीट दर कमी होईल,महाराष्ट्र राज्य शासनाची आर्थिक परिस्थिती अधिक बळकट होईल.

एसटीचे खाजगीकरण झाल्यास जनतेचे होणारे नुकसान पुढील प्रमाणे.

१) गाव तिथे एसटी जाणार नाही.
२)कुठल्याही प्रकारची सवलत मिळणार नाही.
३)जोपर्यंत गाडी भरत नाही,तोपर्यंत गाडी निघणार नाही.
४)खाजगी मालक जनतेकडून अव्वाचे सव्वा भाडे आकारणी करतील.
५)विद्यार्थी पास, जेष्ठ नागरिक, पत्रकार, अंध,अपंग,यांच्या योजना बंद होतील व विद्यार्थी, जेष्ठ नागरिक, पत्रकार, अंध, अपंग यांचे नुकसान होईल.
६)खाजगीकरण झाल्यास अनेक अडी अडचणींना सामोरे जावे लागेल.
म्हणून जय विदर्भ पार्टी शासनाला आव्हान करते की एसटी कर्मचाऱ्यांना शासनात विलीनीकरण केलेच पाहिजे.