महर्षी व्यास नागरी सहकारी पतसंस्थेचे ब्रम्हपुरी येथे थाटात उद्घाटन

३० जानेवारी २०२२ ला दुपारी ०३ वाजता महर्षी व्यास नागरी पतसंस्थेच्या कार्यालयाचे ब्रम्हपुरी येथील भगत सिंग चौकात थाटात उद्घाटन करण्यात आले. सदर कार्यक्रमाचे उद्घाटक मा. श्री. कवडुजी वैलथरे से.नि. मुख्याध्यापक अध्यक्ष मा. श्री. उदालकजी मराठे से.नि. मुख्याध्यापक हे होते. तर मा. श्री. यशवंतजी दिघोरे उपाध्यक्ष चंद्रपूर जिल्हा मध्यवर्ती सहकारी बँक आणि मा. श्री. प्रभूजी वाघधरे संस्थेचे अध्यक्ष यांच्या प्रमुख उपस्थितीत पार पडले. उपरोक्त पाहुण्यांनी आपल्या मार्गदर्शनातून संस्थेची ध्येय्य, उद्दिष्टे प्रास्ताविकेतून स्पष्ट केले तर संस्थेच्या पुढील वाटचालीस शुभेच्छा दिल्या. तळागाळातील ग्राहकांना आर्थिक सहकार्य मिळेल, त्यांच्या अडी-अडचणी सोडविण्यास मदत होईल. असे अध्यक्षांनी प्रतिपादित केले तर उद्घाटक यांनी पतसंस्थेची पुढील वाटचाल सुखकर होण्यासाठी समाजाने पुढाकार घ्यावा अशी अपेक्षा व्यक्त केली. कार्यक्रमाचे सूत्रसंचालन श्री. अनिलजी पचारे यांनी केले तर आभार प्रदर्शन श्री. प्रमोदजी दिघोरे यांनी केले या कार्यक्रमाच्या यशस्वितेसाठी संस्थेचे संचालक श्री. अमोल भानारकर, श्री. स्वप्निल अलगदेवे, श्री. संदीप भानारकर, श्री. तुकडुदास चाचरकर, . रवींद्र अलगदेवे, श्री. युवराज ईडपाचे, श्रीमती. तेजस्विनी चांदेकर, सौ. प्रतिभा शिवरकर, मुकेश भानारकर, श्री.गिरीधर सिंधीमेश्राम,संजय दिघोरे, आशिष शिऊरकर यांनी प्रयत्न केले. सदर कार्यक्रमास समस्त समाज बंधू-भगिनी उपस्थित होते.