धावत्या मोटरसायकलवर चक्कर येऊन पडल्याने युवक गंभीर जखमी

ब्रह्मपुरी: बाहेर गावाहून काही खाजगी काम आटोपून ब्रह्मपुरी कडे परत येत असताना धावत्या मोटार सायकलवरच चक्कर येऊन रोडवर पडल्याने युवक गंभीर जखमी झाला असल्याची घटना आज दिनांक ३० जानेवारी रोजी दुपारी ४ वाजेच्या दरम्यान ब्रह्मपुरी आरमोरी रोड जवळील निलगिरी बार जवळ घडली. प्रशांत करपे वय (३७) रा. ब्रह्मपुरी असे जखमी युवकाचे नाव असून सदर व्यक्ती जय किसान बिगरशेती पतसंस्थेत अभिकर्ता म्हणून काम करतात बाहेर गाऊन आपले काही खाजगी काम आटोपून ब्रह्मपुरी कडे मोटारसायकलने परत येत असताना ब्रह्मपुरी आरमोरी रोड वरील निलगिरी बार जवळ धावत्या गाडीवर त्यांना चक्कर आली व ते रोडवर खाली पडल्याने त्यांच्या डोक्याला गंभीर दुखापत झाली वेळीच याची माहिती उदापूर ग्रामपंचायतचे सरपंच तथा ब्रह्मपुरी तालुका युवक काँग्रेसचे अध्यक्ष प्रभाकर उर्फ सोनू नाकतोडे यांना कळताच त्यांनी जखमी अवस्थेत असलेल्या व्यक्तीला त्वरित उपचारार्थ ब्रह्मपुरी येथील ख्रिस्तानंद हॉस्पिटलमध्ये दाखल केले मात्र त्यांची परिस्थिती अधिकच खालावली असल्याने त्यांना नागपूरला पुढील उपचारासाठी हलविण्यात आले आहे सदर घटनेची माहिती ब्रह्मपुरी पोलिस स्टेशनमध्ये कळविण्यात आली असून पोलीस कर्मचारी सदर ठिकाणी पोहोचेपर्यंत सदर व्यक्तीला घटनास्थळावरून उपचारासाठी हलविण्यात आले होते