ट्रक अपघातात दोन जागीच ठार..!

ओव्हरलोड वाहतुकीची समस्या || मुदतबाह्य वाहनांची वाहतूक

राजुरा(प्रतिनिधी) : गडचांदूर-राजुरा राज्य महामार्गावर रामपूर नजीक रेल्वे पुलियाजवळ आज सायंकाळी ८ वाजता (दि. २५) आर्वी कडे जात असलेल्या मोटरसाईकलला धडक देत दोन मोटरसाईकलस्वार जागीच ठार झाले आहे. यामुळे घटनास्थळी तणावाची परिस्थिती निर्माण झाली आहे.

आर्वी येथील राकेश दौलत तोडासे (वय २५) व हनुमान बापूजी तोडासे (वय ३०) हे कामानिमित्य राजुरा येथे आले होते , काम करून घरी जात असताना आर्वी कडून येणाऱ्या ट्रकने रामपूर जवळील रेल्वे पुलियाजवळ धडक दिल्याने मोटरसाईकलस्वार जागीच ठार झाले. दोघेही सख्खे चुलत भाऊ आहे. या घटनेमुळे आर्वी गावात शोककळा पसरली आहे.

रामपूर-पोवणी-साखर व राजुरा-आर्वी या मार्गावर रात्रंदिवस वेकोलीची कोळसा वाहतूक सुरू राहते, कोळसा वाहतुकीमुळे पहिलेच रस्त्याचे तीन तेरा वाजले आहे, वाहनधारकांना वाहन कोणत्या बाजूने टाकावे असा प्रश्न पडत असतो, मात्र बांधकाम विभाग व वेकोली प्रशासन याकडे लक्ष देत नसल्याने नेहमी अपघाताची मालिका सुरू असून यात अनेकांना आपले प्राण गमवावे लागले आहे. रस्त्याची दयनावास्था असताना याकडे ना लोकप्रतिनिधी लक्ष देत ना संबंधित विभाग लक्ष देत मात्र सामान्य नागरिकांना यात जीव गमवावा लागत आहे.