जिवती तालुक्यातील अवैध मुरुम उत्खनन कोरपना तालुक्यातील रस्त्याच्या कामावर सर्रास वापर कारवाई करणार कोण?

(तालुका प्रतिनिधी): जिवती तालुक्‍याच्या हद्दीत पेसा क्षेत्रातील ध न क देवी ग्रामपंचायत अंतर्गत येणाऱ्या मरका गोंदी शिवारातील शासकीय महसूल जमिनीवरील पकडी गड्डम जलाशयाच्या संचयन भागाला लागून असलेल्या जमिनीतून बिना परवानगीने जेसीपी यंत्र व आयवा ट्रक द्वारे अविरत शासनाचा महसूल बुडवित चोरीने मुरूम उत्खनन करून कोरपना तालुक्यातील उंबर हिरा जांभूळ धरा तसेच वनसडी कारगाव बु या रस्ते कामावर या भागातील मुरूम चा वापर सर्रास सुरू आहे मात्र जिवती येथील महसूल अधिकारी यांच्या आशीर्वादाने मयूर कंट्रक्शन कंपनी गेल्या अनेक दिवसांपासून या भागातून मुरूम उत्खनन करीत आहे असे असताना मात्र महसूल अधिकारी या बाबीकडे दुर्लक्ष का ही बाब कोरपणा येथील महसूल अधिकाऱ्यांना लक्षात येताच मंडळ अधिकारी श्री पचारे येरगव्हान साजा तलाठी कुळमेथे आपल्या ताफ्यासह मुद्द्यावर पाहणी केली असता त्या ठिकाणी उत्खनन केलेला खड्डा तसेच जेसीबी मौक्यावर आढळळी व आयवा ट्रकद्वारे मुरुम भरलेला वाहन पसार होण्यास यशस्वी झाला वाहनाचे फोटो व स्थळी पाहणी केली मात्र हा उत्खनन होत असलेला . भाग जिवती तहसिल क्षेत्रात येत असल्याने पुढील कार्यवाही त्यांचेकडून होईल अशी माहीती दिली मात्र या भागात मुरूम लाल खडक चोरीला जात असताना पाटबंधारे विभाग व महसुल अधिकारी यांना माहीती का नाही कंत्राटदार व महसुल अधिकारी यांच्या संगण मतातुन चांगभल सुरु असल्याची नागरीकात चर्चा असून कार्यवाही होणार का याकडे सर्वाचे लक्ष लागले आहे