ब्रम्हपुरीत तीन मंगल कार्यालयावर दंडात्मक कार्यवाही...!

कोविड नियमाच्या उलांघन प्रकरण : महसूल नगरपरिषद पोलीस विभागाची संयुक्त कार्यवाही

ब्रम्हपुरी : शहरात कोविड रुग्णाची संख्या वाढू नये या करता स्थानिक प्रशासनाने कंबर कसली असून आज दिनांक २३ ला महसूल , नगरपरिषद व पोलीस विभागातर्फे शहरातील मंगल कार्यालयाची तपासणी करण्यात आली.

आजच्या तपासणीत मंगल कार्यालयातर्फे कोविड नियमाचे उलांघन केल्या प्रकरणी तीन मंगल कार्यालयावर दंडात्मक कार्यवाही करण्यात आली . सध्या सर्वत्र कोविड रुग्णाचे संख्येत दिवसा गणती वाढ होत असल्याचे चित्र आहे . ब्रम्हपुरी शहरात सुद्धा स्थानिक मंगल कार्यालया मध्ये होणाऱ्या लग्नकार्यात कोविड नियमाचे उलांघान होत असल्याची माहिती प्रशासनाला मिळाली.

यावर स्थानिक महसूल , नगरपरिषद , पोलीस विभागातर्फे चमू गठित करण्यात येऊन आज अचानक शहरातील सर्व मंगलकर्याल्यात अचानक भेट देऊन तपासणी करण्यात आली . तपासणी दरम्यान लोधिया मंगल कार्यालय , राजस्थानी मंगल कार्यालय , दुर्गा मंगल कार्यालयात विना परवानगी , ५० पेक्षा जास्त लोकांच्या उपस्थितीत कार्यक्रम होत असल्याचे दिसून आले . कोविड नियमाच्या उलांघन केल्या प्रकरणी या तीनही मंगल कार्यालयावर दहा हजार रुपयाची दंडात्मक कार्यवाही करण्यात आली . आजच्या कार्यवाहीत महसूल विभागाचे उपवभागीय अधिकारी संदीप भस्के , तहसीलदार उषा चौधरी , नगरपरिषदेचे मुख्याधिकारी मंगेश वासेकर , ठाणेदार रोशन यादव यांचे मार्गदर्शनात कार्यवाही पार पडली