अतिक्रमणधारकांनाचा मोहीम न थांबल्यास सामुहिक विष प्राशन करन्याचा इशारा

मांडवा येथील वन जमिनीवरील अतिक्रमण हटाव प्रकरण

मंगेश दिलीप तिखट (कोरपना प्रतिनिधी): तीन पिढ्यांचे पुरावे उपलब्ध नसल्याचे सबबी वरून मांडवा येथील अतिक्रमण धारकाचे पट्टे नाकारण्यात आले. शुक्रवारला वन विभागातर्फे अतिक्रमण हटाव मोहीमेचा बडगा उगारण्यात आला. ही मोहीम न थांबवल्या गेल्यास सामूहिक विष प्राशन करून आत्मदहन करण्याचा इशारा अतिक्रमण धारक शेतकऱ्यांकडून देण्यात आला आहे.

जिल्ह्यातील राजुरा हा उपविभाग  स्वातंत्र्यापूर्वी निजाम राजवटीच्या अधिपत्याखाली होता. त्यामुळे या ठिकाणी रेकॉर्ड अभावी तीन पिढ्या चे पुरावे मिळणे कठीण बाब ठरते आहे. या कारणाने पुराव्याअभावी दावे सिद्ध करता येत नाही.  हैदराबाद रियासत अधिसूचना ८ ऑक्टोबर १९५३ नुसार फसली नकाशा व महसूल व वन विभागाच्या नकाशा मध्ये वनक्षेत्राच्या नोंदीत तफावती आहे. 

या अनुषंगाने  राजुरा उपविभागातील समस्या लक्षात घेता ही तीन पिढ्यांची अट रद्द करून गैर आदिवासींना नियमित करून पट्टे देण्यात यावे.तसेच मांडवा येथील अतिक्रमण हटाव मोहिम त्वरित थांबवण्यात यावी. बिगर शेती धारक शेतकऱ्यांना उपजीविकेसाठी ही जमीन उपलब्ध करून द्यावी.  त्यामुळे आमची उपासमार होणार नाही. आत्महत्या करण्याची पाळी येणार नाही असे मत अतिक्रमण धारक शेतकऱ्यांनी यावेळी व्यक्त केले. 

ही मोहीम न थांबवल्यास येत्या ३१ जानेवारीला वन विभागाच्या कार्यालयावर मोर्चा काढू असा इशारा राष्ट्रवादी काँग्रेसचे नेते आबिद अली, कार्तिक गोणलावार, अतिक्रमण धारक संघर्ष समिती चे सुधाकर झुलकटीवार , रामभाऊ कोल्हे, बाळकृष्ण काळे, संतोष भुसे, चंदन नशिने यांनी पत्रपरिषदेत दिला आहे.