ग्रामीण रुग्णालयाचे काम करणाऱ्या ठेकेदारावर कारवाई करून रेती साठा जप्त करा ।। आपचे शहराध्यक्ष अमित बोरकर यांची मागणी.

देवानंद ठाकरे (घुग्घुस प्रतिनिधि): शुक्रवार 21 जानेवारी रोजी घुग्घुस आम आदमी पार्टीचे शहराध्यक्ष अमित बोरकर यांनी तलाठी कार्यालयात निवेदन देऊन घुग्घुस शहरातील नवीन ग्रामीण रुग्णालय शासकीय इमारतीच्या बांधकामात वापरण्यात येत असलेल्या रेती साठ्यांची चौकशी करण्यात यावी  अशी मागणी केली आहे.

घुग्घुस येथील चिंचोली घाट, घुग्घुस घाट, नायगाव घाट या रेती घाटावरून अनेक महिन्यापासून अवैध रेती जोमाने सुरु आहे काही दिवसापूर्वी चार ते पाच ट्रॅक्टर जप्त करण्यात आले होते तरी सुद्धा रेती तस्करी सुरु आहे.  मंडळ अधिकारी येऊन नदीच्या रस्त्यावर जेसीबी मशीनने खड्डे खोदून रस्ता बंद करण्यात येते व लगेच दुसऱ्या दिवशी नवीन मार्ग रेती तस्करांन कडून सुरु करण्यात येते. गोर गरिबांना घरे बांधण्यासाठी रेती मिळत नाही आहे अवैध रेती तीन ते चार हजार रुपयात विकल्या जाते शासनाचा लाखोचा महसूल बुडत आहे. त्यामुळे रेती घाट लिलाव करावा अशी मागणी गोर गरीब नागरिक करीत आहे जेणे करून शासनाचा लाखोचा महसूल वाचणार.

 सध्या घुग्घुस शहरात नवीन ग्रामीण रुग्णालयाच्या इमारतीचे काम जोमाने प्रगती पथावर सुरु आहे. या इमारतीच्या बांधकामा साठी वापरण्यात येत असलेली रेती ही अवैध आहे  घुग्घुस परिसरातील रेती घाटांचा लिलाव मागील तीन ते चार वर्षा पासून झाला नाही त्यामुळे शासनाचा करोडो रुपयाचा महसूल बुडाला आहे.  घुग्घुस शहरातील नवीन ग्रामीण रुग्णालय इमारतीच्या ठिकाणी मोठे रेतीचे साठे आहे. त्यामुळे या रेती साठ्यांची महसूल विभागाने चौकशी करावी व ते जप्त करून दोषी कंत्राटदारावर कडक कारवाई करावी अन्यथा घुग्घुस आम आदमी पार्टीतर्फे आंदोलन करण्यात येईल असा इशारा निवेदनातून देण्यात आला आहे.