घुग्घुस येथील राजीव रतन चौक ते म्हातारदेवी रस्त्यावरील खड्डे बुजविण्याचे काम सुरू || आम आदमी पार्टीच्या मागणीला यश.

घुग्घुस शहरातील राजीव रतन चौक ते म्हातारदेवी रस्त्यावर खूप मोठ्या प्रमाणामध्ये जीवघेणे खड्डे पडलेले होते.परंतु इथल्या स्थानिक नागरिकांकडून वारंवार निवेदन देऊन सुद्धा याकडे प्रशासन दुर्लक्ष करीत होते.याच मार्गाने मोठ्या प्रमाणामध्ये कोळशाची जड वाहतूक होत असल्यामुळे तिथे राहणाऱ्या स्थानिक नागरिकांना प्रदूषणाचा मोठा त्रास सहन करावा लागत होता.

 या संधर्भा मध्ये मागील काही महिन्यांपासून आम आदमी पार्टी घुग्घुस द्वारा प्रशासनाला वारंवार निवेदन देण्यात आले परंतु प्रशासनाने दुर्लक्ष केले असता आम आदमी पार्टी घुग्घुस द्वारा ७ जानेवारी २०२२ रोजी घुग्घुस नगरपरिषद, जिल्हाधिकारी चंद्रपूर, सार्वजनिक बांधकाम विभाग चंद्रपूर  यांना निवेदन देण्यात आले होते. सोबतच जर १५ दिवसांमध्ये खड्डे बुजविण्यात आले नाही तर आम आदमी पार्टी घुग्घुस द्वारा तीव्र आंदोलन करण्याचा इशारा सुद्धा देण्यात आला होता याची दखल घेत आज १९ जानेवारी २०२२ रोजी रस्त्यावरील खड्डे बुजविण्याचे काम सुरू झाले आहे.