म्हातारदेवी रस्त्यावरील खड्ड्यात पडून युवक जखमी..!

घुग्घुस ते म्हातारदेवी रस्त्यावर मोठ मोठे जीव घेणे खड्डे पडले आहे.

देवानंद ठाकरे (घुग्घुस प्रतिनिधि):     रविवार 16 जानेवारी रोजी रात्री 7:30 वाजता दरम्यान घुग्घुस येथील राजीव रतन चौक ते म्हातारदेवी रस्त्यावरील खड्ड्यात पडून प्रदीप विधाते (35) रा. चिंतामणी कॉलेज जवळ, घुग्घुस हा युवक गंभीर जखमी झाला. 

रविवारला बाजार घेऊन मित्रासोबत दुचाकीने प्रदीप विधाते हा घरी परत जात असतांना दुचाकी खड्ड्यात पडून तो गंभीर जखमी झाला त्याला उपचारासाठी खाजगी रुग्णालयात भर्ती करण्यात आले त्याच्या चेहऱ्यावर व डोक्याला 15 टाके लागले आहे सुदैवाने त्याचा जीव वाचला. 

घुग्घुस ते म्हातारदेवी रस्त्यावर मोठ मोठे जीव घेणे खड्डे पडले आहे. नागरिकांना आपला जीव मुठीत घेऊन प्रवास करावा लागत आहे. रस्त्यात खड्डे कि खड्ड्यात रस्ते आहे. त्यामुळे हा रस्ता दुरुस्त करावा अशी मागणी नागरिकांनी केली.