चिंतामणी महाविद्यालयात स्वामी विवेकानंद व राष्ट्रमाता मासाहेब जिजाऊ यांची जयंती साजरी..!

देवानंद ठाकरे (घुग्घुस प्रतिनिधी):  चिंतामणी शिक्षण प्रसारक मंडळ बल्लारपूर द्वारा संचालित चिंतामणी महाविद्यालय घुगस, जी. चंद्रपूर येथे दिनांक 12 जानेवारी 2022 रोज गुरुवारला स. 10.00 वा. सांस्कृतिक विभागाच्या वतीने युगपुरुष स्वामी विवेकानंद आणि राष्ट्रमाता मासाहेब जिजाऊ यांच्या जयंतीचा कार्यक्रम पार पाडण्यात आला. या कार्यक्रमाचे अध्यक्ष महाविद्यालयाचे प्राचार्य डॉ. चंद्रशेखर कुंभारे यांनी स्वामी विवेकानंद आणि राष्ट्रमाता मासाहेब जिजाऊ यांच्या प्रतिमेचे पूजन करून मल्यारपण  केले. याप्रसंगी प्रमुख पाहुणे डॉ. रवी धारपवार हे होते. कार्यक्रमाचे अध्यक्ष  प्राचार्य डॉ. चंद्रशेखर कुंभारे यांनी स्वामी विवेकानंद यांच्या जीवन चरित्रावर प्रकाश टाकून त्यांच्या उदात्त आणि महान कार्याना  आपल्या दैनंदिन जीवनात  पालन करणे आवश्यक असल्याचे सांगितले. त्याचबरोबर राष्ट्रमाता मासाहेब जिजाऊ यांच्या कार्याची प्रेरणा सर्वांनी घेऊन आपण त्या दिशेने वाटचाल करणे आवश्यक असल्याचे सांगितले. 

तसेच  कार्यक्रमाचे प्रमुख अतिथी रवी धरपावर यांनी  " उठा, जागे व्हा, आणि ध्येय प्राप्त होईपर्यंत थांबू नका " असे मंत्र त्यांनी यावेळी प्रतिपादित केले. ह्यावेळी राष्ट्रमाता मासाहेब जिजाऊ यांच्या कार्याची आठवण उपस्थितांना करून दिली. 

 यावेळी महाविद्यालयातील सांस्कृतिक विभागप्रमुख प्रा. महेंद्र कुंभारे यांनी कार्यक्रमाचे प्रास्ताविक केले. तर कार्यक्रमाचे सूत्रसंचालन डॉ. नितीन कावडकर यांनी केले. तर आभार संतोष गोहोकर यांनी मानले. कार्यक्रमाच्या यशस्वितेसाठी महाविद्यालयातील  प्रा. मंगेश जमदाडे, डॉ. माधव कांदांगिरे, प्रा. गणेश सुर्जुसे तसेच शिक्षकेतर कर्मचारी उपस्थित राहून कार्यक्रमास  मोलाचे सहकार्य केले.