जळका गावातील सामान्य नागरिक नळाची वीज खंडीत केल्याने पिण्याचं पाणी न मिळाल्याने त्रस्त. ग्रामपंचायतीचं व सरपंच्याचे याकडे दुर्लक्ष

होमेश वरभे (वरोरा माढेळी): वरोरा तालुक्यातील जळका, या गावातील पिण्याच्या पाण्याची इलेक्ट्रिक वीज खंडीत केल्याने सामान्य नागरिकाला पाण्या अभावी खूपच त्रास सहन करावा लागत आहे. काही नागरिकांनी ग्राम पंचायत कर्मचारी व सरपंच सौ. निता प्रशांत बोढाले यांच्याकडे विचारणा केली असता लोकांना उडवा उडवीचे उत्तर दिले असून तुम्ही पाणी कर, घर कर भरा आधी.

तेव्हाच लाईन चालू करायला लावणार असे गावातील सामान्य नागरिकांना उडवा उडवीचे उत्तर देऊन पाण्याची समस्या न सोडविता नागरिकांवर एक प्रकारे अन्यायच करित आहे. ग्रामपंचायत जळका गावातील ग्रा.पं. ला येणारे पाण्याच्या नळाचे वीज बिल 89,000 रुपये इतके आहे.

परंतु पंधराव्या वित्त आयोगा नुसार ग्रा.पं.ला येणारा निधी कोणत्या कामाकरिता खर्च झाला आहे.याची विचारणा नागरिकांनी केली असता याकडे ग्रामपंचायत सचिव आणी सरपंच दुर्लक्ष करित आहे. यामुळे जळका गावातील ग्रा.पंचायत मध्ये भ्रष्ट व भोंगळ कारभार दिसून येत आहे.