गोवंश वाहतूक करणाऱ्यांना सापळा रचून घेतले ताब्यात..! डि.बी. पथकाची कारवाई..!

वणी (प्रतिनिधी ) : अवैध पने गोवंशाची वाहतूक करणाऱ्याना वाहनास वणी पोलीसांनी सापळा रचून पकडले.  सविस्तर वृत्त असे की, पोलिस निरीक्षक वैभव जाधव यांना मिळालेल्या गुप्त माहितीच्या आधारे ,(१६जुलै) शुक्रवारच्या मध्यरात्रीच्या सुमारास,शहराती खडबडा परीसरातुन  मोमीनपुरा परिसरात अवैद्य कत्तलीसाठी गोवंश जनावराची वाहतुक होत असल्याची माहिती हाती लागली. याच आधारे शहरातील तलाव रोड येथे सापळा रचुन टाटा मॅजिक वाहन क्र. एम. एच. २९ बि. ई. १४२७ मध्ये दोन गोवंश जनावरे व एक म्हैस वाहनाचे मागील डाल्यात कोंबुन वाहतुक करत असताना आढळून आले. त्यास अधिक विचारणा केली असता, सदर जनावरे शहरातील खडबडा परिसर येथुन वाहतुकीवर केल्याचे तपासामध्ये उघड झाले . अशा माहितीच्या आधारे शहरातील खडबडा परिसरात  जाऊन छापा टाकला. तेथे  सैयद रहेमान सैयद कादर  (४८ )वर्ष रा. खडबडा परिसर याच्या ताब्यातुन चार नग गोवंश जनावरे व शेख वकील शेख रसुल(५०)  रा. खडबडा परिसर  याच्या ताब्यातुन आठ नग गोवंश जनावरे कत्तल करण्याकरीता निर्दयतेने व कोणतीही चाऱ्या-पाण्याची व्यवस्था न करना बांधुन असल्याचे आढळून आले. या कारवाईमध्ये गोवंश जनावरे १४ नग व ०१ म्हैस एकुण १५ जनावरे यांची किंमत ११५,०००/-  व  वाहतुकी करीता वापरण्यात आलेला, छोटा हत्ती वाहन क्र.एम.एच २९ बि.ई. १४२७ अंदाजी किंमत  १,८०,०००/-असा एकूण २९८००० - मुद्देमाल जप्त करण्यात आला असुन, सुटका करण्यात आलेल्या जनावरांना गुरूमाऊली गौरक्षण रासा येथे दाखल करण्यात आले . सदर कार्यवाही मा. डाॅ. दिलीप पाटील भुजबळ पोलीस अधीक्षक, मा. खडेराव धरणे अपर पोलीस अधीक्षक, मा. संजय पुज्जलवार उप.वि.पो.अ.वणी, यांच्या मार्गदर्शनात पोलिस निरीक्षकवैभव जाधव, डी बी. पथकाचे पोउपनि गोपाळ जाधव, पोउपनि आशिष झिमटे, सुनिल खडागळे, सुधीर पाडे, मुकेश करपते ,पंकज उबरकर, विशाल गेडाम, सजय शेद्रे मिथुन राऊत यांनी केली गुन्हयाचा पुढील तपास सपोनि, संदिप एकाटे यांनी केली आहे.