यवतमाळ न. प. ची अतिक्रमण हटाव मोहीम

यवतमाळ: शहराला अतिक्रमणाच्या विळख्यातून बाहेर काढण्यासाठी नगर परिषदेने अतिक'मण हटाव मोहीम हाती घेतली आहे. पहिल्या दिवशी मंगळवार, 28 डिसेंबर रोजी शहरातील स्थानिक कळंब चौक, सेवानगर, कुंभारपुरा परिसरातील अतिक'मणांवर प्रशासनाने बुलडोझर चालविला. संध्याकाळपर्यंत ही मोहीम चालूच होती. अतिक'मणामुळे नाल्यांमध्ये मोठ्या प्रमाणात घाण पसरली होती. परिणामी, नालीतील पाणी रस्त्यावर येत होते. अशा ठिकाणचे अतिक'मण हटवून नपने स्वच्छता मोहीमसुद्धा राबवली.

शहरातील बहुतांश भागात मोठ्या प्रमाणात अतिक'मण वाढले आहे. अतिक'मण हटविल्यानंतर काही दिवसांतच पुन्हा जैसे थे परिस्थिती होते. गेल्या काही वर्षांत शहरातील प्रमुख आणि उपरस्ते, नाल्या, फुटपाथ, खुल्याजागा यावर अनेक व्यवसायींसह नागरिकांनी अतिक'मण करून जागा हडपली आहे.

अशात 28 डिसेंबर रोजी सकाळपासून शहरातील कळंब चौक, कुंभार पुरा आणि सेवा नगर परिसरात अतिक'मण मोहिम राबविली. अतिक'मणात बांधलेल्या भिंती, नाल्या, पानठेले आदींवर कारवाई करण्यात आली. यावेळी मु'याधिकारी माधुरी मडावी यांनी सफाई कामगारांकडून नाल्या स्वच्छ करून घेतल्या. या मोहिमेच्या माध्यमातून स्वच्छता मोहिमसुद्धा राबवण्यात आली. यावेळी आरोग्य निरीक्षक लता गोंधळे, राहुल पळसकर, गजानन गुल्हाने, आनंद दिलसुरी, नंदू मुळे, निखिल पुराणिक, शंकर घोडे, तसेच नगर परिषदेचे सफाई कर्मचारी सहभागी होते.