खाजगी रुग्णवाहीका चालकांसाठी केबिन उपलब्ध करून देण्यात यावी - उमेश इंगळे

अकोला( जिल्हा-प्रतिनिधी):  शासकीय व खाजगी रुग्णवाहीका चालकांसाठी केबिन उपलब्ध करून देण्यात यावी अशी मागणी महाराष्ट्र राज्य रुग्णसेवक व श्रमिक कामगार संघटना अकोला जिल्हा उपाध्यक्ष उमेश सुरेशराव इंगळे यांनी केली आहे सर्वोपचार रुग्णालयामध्ये शासकीय रुग्णवाहिका तसेच खासगी रुग्णवाहिका चालक त्यांना बसण्यासाठी सुद्धा व्यवस्था नाही.

  त्यामुळे त्यांना दिवस भर उन्हात बाहेर,आपल्या रुग्णवाहिके मध्ये बसावे लागते, ग्रामीण भागातील बहुतांश नागरिकांन जवळ मोबाईल नसल्याने ते रूग्णवाहीका चालकांना संपर्क करु शकत नाही त्यामुळे रुग्णांना हॉस्पिटल मध्ये कीवां घरी नेण्यासाठी खुप त्रास सहन करावा लागतो रुग्णवाहिका चालक हा देवदुतच आहे.

त्यांच्यामुळे बऱ्याच लोकांचे प्राण वाचले अश्या प्राण वाचविणांऱ्या रुग्णवाहिका चालकांना उन्हात, पावसाळ्यात बाहेर थांबुन रुग्णांनची सेवा करतात, रुग्णांना उत्तम रित्या सुविधा मिळण्याकरिता या रुग्णवाहिका चालकांना शासकीय सर्वोपचार रुग्णालयांमध्ये एखादी केबिन उपलब्ध करून देण्यात यावी अशी मागणी महाराष्ट्र राज्य रुग्णसेवक व श्रमिक कामगार संघटना अकोला  जिल्हा उपाध्यक्ष उमेश सुरेशराव इंगळे यांनी वैद्यकीय अधिकारी शासकीय सर्वोपचार रुग्णालय यांना दिलेल्या निवेदनाद्वारे केली आहे