महसूल अधिकाऱ्यांना दावणी ला बांधून, ब्रम्हपुरीतील राजकीय व्यक्तीचा आवळगाव रेती घाटावर "डंका"...!

ब्रम्हपुरीतील "कमिशनखोर" नेत्याची वक्रदृष्टी आता रेती तस्करीवर

चंद्रपूर : तालुक्यातील कुठल्याही रेतीघाटाचा प्रशासनाकडून लिलाव झाला नसतांना अवैध रेती माफियांनी आवळगाव रेती घाटावर अवैध रेती तस्करीचा जोरदार डंका माजवला असून ब्रम्हपुरी तील मोठ्या पक्षाच्या कमिशनखोर कार्यकर्त्यांची वक्रदृष्टी आता अवैध रेती तस्करी कडे वळल्याने तालुका महसूल प्रशासन त्याच्या दावणीला बांधल्या गत गप्प असल्याचे तालुक्याचे चित्र स्पष्ट होतं आहे.

ब्रम्हपुरी तालुका रेती तस्करीसाठी नंदनवन ठरत असून तालुक्यातून प्रवाहित असलेल्या वैनगंगा नदीपात्रातून, स्थानिक तालुका महसूल प्रशासनाने झोपेचे सोंग घेतल्याने अवैध रेती तस्करी जोमात सुरु असते. रात्रौ च्या सुमारास भरधावं पणे होणाऱ्या रेती तस्करांचे "नेटवर्क" आज घडीला एवढे जोरदार आहे की त्यांना दिवसा ढवळ्या रेती तस्करी  करतांना कुणाची भीती राहिली नाही. अवैध रेती उत्खनणं करून माइनिंग च्या नियमाला बगल देत, सरकार चे स्वामित्वधन चोरी करून मोठ्या प्रमाणात अवैध रेती उपसा करत शेकडो ब्रास रेतीची सर्रासपणे चोरी करीत आहेत.

मोठ्या राजकीय पक्षाच्या दबावापुढे स्थानिक महसूल प्रशासन आवळगाव रेती घाटावर होणाऱ्या रेती तस्करी बाबत अर्थपूर्ण व्यवहाराने जाणीवपूर्वक दुर्लक्ष करीत असून कार्यालयातील काही कर्मचारी तस्करी मध्ये प्रत्यक्षरित्या सहभागी असल्याचे नागरिकांन कडून तालुक्यात सराईत पणे बोलल्या जातं असल्याने आता  या प्रकरणात जिल्ह्या महसूल प्रशासन काय भूमिका घेते याकडे संपूर्ण तालुक्यातील नागरिकांचे लक्ष लागून आहे.