बुलेट-दुचाकीचा अपघात, एक ठार तर एक जखमी गणेशपूर जवळ..!

प्रतिनिधी:  वणी -मुकुटबन मार्गावरील व शहरानजीक असलेल्या गणेशपूर जवळील संतधाम थांब्या जवळ मोटर सायकल व बुलेटची समोरासमोर धडक झाल्याने घडलेल्या अपघातात एका तरुणाचा मृत्यू झाला असुन एक जन जखमी झाल्याची घटना आज दि.२१ नोव्हेंबर ला रविवारी दुपारी ४ वाजताचे सुमारास घडली.

पवन मेश्राम (३२) असे अपघातात ठार झालेल्या युवकाचे नाव आहे. तर एक तरुण जखमी असल्याचे बोलल्या जात आहे. अपघातात ठार झालेला पवन मेश्राम हा शहरा लगतच असलेल्या गणेशपूर येथील रहिवाशी असुन तो आपल्या मित्रासह दुपारी ४ वाजताचे सुमारास दुचाकी क एमएच-२९ बीबी-०७४४ ने जात असतांना त्याच्या दुचाकीला संतधाम समोरच बुलेट क्र.एमएच- ३४एआर-४३३४ ने जबर धडक दिली. परस्परविरोधी दुचाकीच्या अपघातात पवन ला खापर झाली व अती रक्तवाहिनीं सुरू यात त्याचा घटनास्थळीच मृत्यू झाला तर त्याचा मित्र गंभीर जखमी झाला आहे.

या घटनेची माहिती पोलिसांना मिळताच पोलिस घटनास्थळी दाखल झाले व घटनास्थळाचा पंचनामा करून मुत्युदेह शवविच्छेदनासाठी ग्रामिण रुग्णालयात दाखल करण्यात आला.