शिंदोला येथील शेतकऱ्यांच्या बैलाचा विधुत प्रवाहित ताराने मुत्यू..!

बैल हानी लाखो रुपयाच्या घरात..! नुकसान भरपाई मिळणार तरी केव्हा..!

नयन मडावी (शिंदोला प्रतिनिधी):- शिरपूर कनिष्ठ अभियंता अंतर्गत येत असलेल्या शिंदोला येथील नामदेव निब्रड यांच्या मालकीचा बैल विद्युत प्रवाहित ताराच्या स्पर्शाने मृत्यु झाला असून त्यांच्यावर ऐन शेतीच्या हंगामावर आर्थिक घोर संकट येऊन ठेपले. सदर घटना ही शिरपूर एम ई सी बी अंतर्गत शिंदोला सब स्टेशन येथिल शेती पंपाच्या एल. टी. लाईनवरिल एक खांब विद्यूत प्रवाहित झाल्याने एक बैल दुर्दैवी मृत्यू मुखी पडला. ही माहिती संबंधित पशुखाते व वितरण कंपनी याना माहितीस साधर करून घटना स्थळाचा पचनामा करून नुकसानीची रक्कम अदा करण्याची मागणी केली असून शिरपूर अभियंता यांनी वरिष्ट अधिकाऱ्यांना माहिती साधर करून तातडीने दुःखी इसमास बैलाची योग्य किंमत द्यावी, अशी मागणी केली आहे, ही रास्त मागणीचा विचार करता शेतकरी या हंगामाच्या काळात दुसरा बैल घेऊन आपली शेती योग्य रित्या सांभाळू शकेल, अशी आस धरून शेतकरी आहे. या वेळी शिंदोला येथील सरपंच विठ्ठल बोंडे तसेच इसम नामदेव निब्रड,लक्ष्मण निब्रड,गौरव निब्रड, सचिन निब्रड, तथा निखिल देरकर, रमेश दुरुतकर,मारोती परागे, व अन्य नागरिक त्या बैलाच्या पाहणीसाठी घटना स्थळावर उपस्थित होते.