ब्रह्मपुरी चा "कमिशनखोर लँड माफिया" झाला, आवळगाव रेती घाटावरील "सॅण्ड माफिया"..!

उमेश तपासे (चंद्रपूर-जिल्हा-प्रतिनिधी ) : तालुक्यातील कुठल्याही रेतीघाटाचा प्रशासनाकडून लिलाव झाला नसतांना अवैध रेती माफियांनी आवळगाव रेती घाटावर अवैध रेती तस्करीचा अक्षरशः तांडव मांडला असून, ब्रह्मपुरीचा कमिशनखोर लँड माफिया राजकीय पाठबळाने आवळगाव रेती घाटावरील सॅण्ड माफिया झाल्याचे दिसून येत आहे.

ब्रम्हपुरी तालुका रेती तस्करीसाठी नंदनवन ठरत असून तालुक्यातून प्रवाहित असलेल्या वैनगंगा नदीपात्रातून, स्थानिक तालुका महसूल प्रशासनाने झोपेचे सोंग घेतल्याने अवैध रेती तस्करी जोमात सुरु असते. रात्रौ च्या सुमारास भरधावं पणे होणाऱ्या रेती तस्करांचे "नेटवर्क" आज घडीला एवढे जोरदार आहे की त्यांना दिवसा ढवळ्या रेती तस्करी  करतांना सुद्धा कुणाची भीती नाही.