घुग्घुस येथे मंडळ अधिकारी किशोर नवले यांची रेती घाटावर धाड..!

तीन रेती तस्करी करणारे ट्रॅक्टर जप्त

  देवानंद ठाकरे (घुगुस प्रतिनिधी) :  बुधवार 1 डिसेंबर रोजी सकाळी 10:30 वाजता दरम्यान घुग्घुस परिसरातील चिचोली रेती घाटावर चंद्रपूर उपविभागीय अधिकारी यांच्या मार्गदर्शनात मंडळ अधिकारी किशोर नवले, तलाठी शैलेश दुव्वावार, राहुल भोंगळे, रवी तल्लार, यांनी धाड टाकून तीन अवैध रेतीचे तस्करी करणारे ट्रॅक्टर जप्त करून घुग्घुस येथील तलाठी कार्यालयात लावले.

 सकाळी दरम्यान घुग्घुस परिसरातील चिचोली रेती घाटावर   एमएच 34 एल 3562, एमएच 34 एल 3598, एमएच 34 एल 7193 नबी भाई, अशोक घोडके, विलास रामटेके यांच्या मालकीचे तीन ट्रॅक्टर अवैध रेती तस्करी करण्यासाठी चिचोली रेती घाटावर गेले महसूल विभागाने संयुक्त रित्या धाड टाकून तीन ट्रॅक्टर जप्त करून तलाठी कार्यालयात लावले एकूण 3 ब्रास रेतीचा अवैध साठा जप्त करण्यात आला असून प्रत्येकी एका ट्रॅक्टर धारकांकडून 1लाख 10 हजार 900 रुपये प्रमाणे 3 लाख 32 हजार 700 रुपये दंड वसूल करण्यात येणार आहे.

मागील जवळपास तीन ते चार वर्षांपासून घुग्घुस परिसतील रेती घाटाचा लिलाव झाला नाही त्यामुळे घुग्घुस परिसरातील अवैध रेती तस्करांनी धुमाकूळ घालून ट्रॅक्टर ट्रालीने अवैध रेती तस्करी दिवस रात्र करणे सुरु केले. रेती तस्करीत काँग्रेसचे कार्यकर्ते अडकले आहे.