बिएमएस चे वणी क्षेत्रीय सिजीएम कार्यालयावर धरणे आंदोलन

बिएमएस चे वणी क्षेत्रीय सिजीएम कार्यालयावर धरणे आंदोलन

घुग्गुस: (दि.8ऑक्टोबर) भारतीय कोयला खदान मजदूर संघ वणी-माजरी संघटन ने ताडाळी येथील वणी क्षेत्रीय मुख्य महाव्यवस्थापक यांचे कार्यालयावर धरणे दिले. सीएमपीडीआय चे दहा टक्के समभाग विकण्याच्या केंद्र सरकारच्या निर्णयाचा आक्रमक विरोध  या  कामगार संघटनेने केला आहे. आज जोरदार घोषणा देत कामगारांनी हा परिसर दणाणून सोडला.बिएमएस  कामगार संघटननी गेल्या तीन दिवसापासुन सरकारच्या सीएमपीडीआय शेअर्स विकण्याचा निर्णय व राष्ट्रीय कोल वेतन समझोता 11 च्या बैठकी संदर्भात निर्णय लवकर घ्यावा या मागणीसाठी कोळसा खाण परिसरात द्वार सभेद्वारे जागृती केली होती. बिके केएमएस वणी माजरी चे अध्यक्ष मा.अनंतकुमार गुप्ताजी आणि उपाध्यक्ष श्री-हरिदासजी दुधबळे, संयुक्त महामंत्री-श्री-विजय मालवी यांनी यासंदर्भातील केंद्र सरकारच्या चुकीच्या धोरणांची माहिती कामगारांना दिल्याने मोठ्या संख्येने कामगार या आंदोलनात सहभागी झाले.

आज तीन वाजता बिएमएस कामगार संघटनेचे नेते  एकत्र येवून मोर्चाने सीजीएम कार्यालयावर आले. तेथे गेटवर आल्यावर कार्यकर्त्यांनी केंद्र सरकार व कोल इंडिया च्या विरोधात घोषणा दिल्या. त्यानंतर शिष्टमंडळाने मुख्य महाप्रबंधक कार्मिक यांना मागण्यांचे निवेदन दिले. या बिएमएस च्या आंदोलनाचे नेतृत्व वणी एरिया प्रभारी-मंत्री श्री- राजू नामपल्लीवर, मनोज बिट्टूरवार, वसंत क्षीरसागर, राजेंद्र पाचभाई,द्यानेशवर शिवरकर,कापडेजी,सुरेश भोयर व प्रमुख इकाई पदाधिकारी वणी एरिया  यांनी केले.

भारत माता की जय!