मराठा सेवा संघाच्या वर्धापन दिनानिमित्त रक्तदान शिबीर संपन्न..!

वणी (प्रतिनिधी): आज दिनांक १ सप्टेंबर रोजी मराठा सेवा संघाचा ३१ वा वर्धापन दिन मराठा सेवा संघ व संभाजी ब्रिगेड वणी यांच्या वतीने रक्तदान शिबिर, सद्गुरू जगन्नाथ महाराज नंदेश्वर देवस्थान वणी येथे आयोजित करण्यात आले होते.सदर शिबिराला राजमाता राष्ट्रमाता जिजाऊ यांच्या प्रतिमेला पुष्पहार अर्पण करून जिजाऊ वंदनाने सुरूवात करण्यात आली.रक्तदान शिबिराला उपविभागीय अधिकारी डॉ. शरद जावळे साहेब, वणी पोलिस स्टेशनचे ठाणेदार वैभव जाधव साहेब तसेच वणी येथील प्रसिद्ध डॉक्टर अर्शद शहा यांनी आवर्जून भेट दिली आणि या उपक्रमाचे कौतुक केले.

या शिबिराला ७८ रक्तदात्यांनी रक्तदान करून भरभरून प्रतिसाद दिला.वणीचे ठाणेदार वैभव जाधव साहेब यांनी रक्तदान करून या महान कार्यात आपला सहभाग नोंदविला.सदर रक्तदान शिबिराचे आयोजन यशस्वी करण्यासाठी मराठा सेवा संघाचे तालुकाध्यक्ष अंबादासजी वागदरकर सर, मराठा सेवा संघाचे जिल्हासंघटक ऋषीकांत पेचे सर, संभाजी ब्रिगेड चे जिल्हाध्यक्ष अजय धोबे, ॲड. अमोल टोंगे, ॲड. शेखर वऱ्हाटे , संभाजी ब्रिगेडचे जिल्हाकार्याध्यक्ष  समीर लेनगुळे, दत्ताजी डोहे, मंगेश खामणकर, प्रदीप बोरकुटे, भाऊसाहेब आसुटकर, लक्ष्मण काकडे, मारोती जीवतोडे, संजय गोडे,वसंता थेटे, गितेश वैद्य, प्रविण रोगे, अशोक चौधरी, सचिन रासेकर, नयन मडावी, नितीन मोवाडे यांनी परिश्रम घेतले.