आघाडी सरकार बरखास्त करा, १२ आमदारांच्या निलंबनाच्या निषेधार्थ वणीत भाजपाचे आंदोलन..

(वणी विभागीय प्रतिनिधी) : विधानसभेत ओबिसी आरक्षणाच्या संदर्भात आवाज बुलंद करणाऱ्या भाजपाच्या बारा आमदारांना निलंबित केल्याच्या निषेधार्थ आज दि. ६ जुलै ला येथिल तहसील कार्यालयासमोर वणी तालुका व शहर भाजपाचे वतिने महाविकास आघाडी सरकारचा निषेध करित सरकार बरखास्त करण्याची मागणी उपविभागीय अधिकारी डॉ.शरद जावळे यांच्या मार्फत महाराष्ट्राचे राज्यपाल यांच्याकडे निवेदनाद्वारे करण्यात आली.

ओबिसी आरक्षणाच्या संदर्भात विधानसभेत आवाज बुलंद करणाऱ्या भाजपाच्या बारा आमदारांना निलंबित करुन महाराष्ट्र शासनाने लोकशाही ला बदनाम करण्याच काम चाललं आहे. महाराष्ट्रात सरकारचे हे वर्तन दडपशाहीचे असून केवळ दोनच दिवसांचे अधिवेशन व त्यातही विरोधकांना बोलु न देणे हे हुकुमशाहीचे धोरण असुन अधिवेशनाच्या नावाने चाललेला हा तमाशा तमाम महाराष्ट्राचा अपमान आहे.सरकारच्या या लोकशाही व ओबिसी विरोधी धोरणाचा निषेध करुन महाआघाडी सरकार त्वरित बरखास्त करावे अशी मागणी भाजपच्या वतीने करण्यात आली. तसेच बारा आमदारांचे निलंबन मागे न घेतल्यास तिव्र आंदोलन करण्याचा इशाराही निवेदनाद्वारे देण्यात आला आहे.

यावेळी भाजपाचे ज्येष्ठ नेते विजय पिदुरकर, जिल्ह्याचे महामंत्री रवि बेलुरकर,वणी पं.स.चे सभापती व वणी विधानसभा प्रमुख संजय पिंपळशेंडे यांनी महाआघाडी सरकारच्या विरोधात जोरदार हल्ला चढवला होता. यावेळी किशोर बावणे जिल्हा सचिव, श्रीकांत पोटदुखे न.प.उपाध्यक्ष तथा शहराध्यक्ष वणी, जि.प.सदस्य बंडुभाऊ चांदेकर, संघदिप भगत, राकेश बुग्गेवार नगर सेवक, सचिन खाडे जिल्हा सचिव ओबिसी मोर्चा, नितीन वासेकर युवा मोर्चा जिल्हा महामंत्री, संजय झाडे, सत्यजित ठाकुरवार,आशिष डंभारे, शुभम गोरे, महेश देठे, मनोज सरमुकद्दम, अविनाश आवारी, दिपक पाऊनकर यांचेसह भाजपाचे पदाधिकारी उपस्थित होते.