भाजपाने केली वीज बिलांची होळी, विविध मागण्याचे निवेदन

वणी : लाकडाऊनच्या काळातील वाढीव वीज बिलाबाबत दिलासा देणार, असे महावीकास आघाडी सरकारच्या वतीने घोषणा केली होती पन. आता मात्र ऐनवेळी या सरकारच्या ऊर्जा मंत्र्यांनीच  घूमजाव करीत सर्व सामान्यांना वीजबिलात कोणतीही सवलत देता येणार नाही. व संपूर्ण रकमेचा भरणा नागरिकांनाच करावा लागेल,असे फरमान सोडले आहे. हा सर्वसामान्य नागरिकांवर अन्याय झाला असून त्याच्या भावना सोबत त्यानी खेळले आहेत, याच्या निषेधार्थ वणी शहरातील शिवाजी चौकात आमदार संजीवरेड्डी बोदकुरवार यांच्या नेतृत्वाखाली विज बिलाची होळी करण्यात आली. यावेळी विविध मागण्याचे निवेदन उपविभागीय अधिकारी वणी यांच्या मार्फत राज्याचे मुख्यमंत्री उद्धव ठाकरे यांना देण्यात आले.

या आंदोलनात भाजपचे जिल्हा सरचिटणीस रवी बेलूरकर,पंचायत समिती  सभापती तथा विधानसभा प्रमुख संजय पिंपळशेंडे, विजय पिदूरकर, दिनकर पावडे, किशोर बावणे, तालुका अध्यक्ष गजानन विधाते, शहर अध्यक्ष श्रीकांत पोटदुखे, सौं मंगलाताई पावडे, नितीन वासेकर, वैभव कवरासे, कैलास पिपराडे, संतोष डांबरे, राकेश बुगगेवार, इत्यादी  सहभागी होते.
कोरोनामुळे यावर्षी आधीच सर्वसामान्यांचे जगणे मुश्कील झाले आहे. ग्रामीण भागाची अर्थव्यवस्था मोडकळीस आली. कोरोणाच्या काळात अनेकांचे रोजगार बुडाले आता सरकारने वीज बिलाचा शॉक दिला. त्यामुळे, राज्य सरकारने जनतेचा विश्वासघात केला असून, सरकारला वीज बिल माफ करण्यासाठी हे आंदोलन असल्याची माहिती आमदार संजीवरेड्डी बोदकुरवार यांनी दिली. तसेच वीज बिलाबाबत सरकारने तत्काळ दिलासा न दिल्यास यापुढील काळात उग्र आंदोलन करण्याचा इशाराही आमदार बोदकुरवार यांनी दिला  आहे.