भीमजयंतीला "पढेगा भारत" चळवळीने धरला वेग..

तहसीलदार राहुल तायडे यांच्याकडून विद्यार्थ्यांना  प्रेरणादायी पुस्तक भेट.. 

नांदुरा ता.१४: डॉ.बाबासाहेब आंबेडकर यांच्या १३० व्या जयंतीनिमित्त तहसीलदार राहुल तायडे यांनी "शेतकरीपुत्र अभ्यासिका नांदुरा"च्या विद्यार्थ्यांना प्रेरणादायी पुस्तक 'पडद्यामागचे नायक' भेट म्हणून दिले आहे.
पुस्तकांसाठी घर बांधणारे विश्र्वातील एकमेव महान व्यक्तिमत्व म्हणूनही महामानव डॉ. बाबासाहेब आंबेडकर यांना ओळखले जाते. अठरा तास पुस्तक वाचण्यात मग्न राहणारे बाबासाहेबांचा आदर्श विद्यार्थ्यांनी घेऊन यश संपादन करावे, अशा भावना नांदुराचे तहसीलदार राहुल तायडे यांनी व्यक्त केल्या आहे. पडद्यामागचे नायक हे पुस्तक स्पर्धा परीक्षेचा अभ्यास करणा-या प्रत्येक विद्यार्थ्याने वाचावे. खडतर परिस्थितीतून येऊनही अनेकांनी यश कसे मिळविले, याचे उदाहरणं या पुस्तकात दिले आहेत. महाराष्ट्रातून सुरू झालेली "पढेगा भारत" ही चळवळ देशभरात पोहोचावी,अशा शुभेच्छा देखिल तहसीलदार राहुल तायडे यांनी व्यक्त केल्या आहेत.