भासऱ्याने भावसुनेस प्रताडीत केले..!

नात्याला काळीमा फासणारी घटना..!

वणी (प्रतिनिधी) :  भासऱ्याकडून भावसुनेवर प्रताडीत केल्याची नात्याला काळीमा फासणारी घटना, वणी पोलीस स्टेशन हद्दीत येणाऱ्या राजूर (कॉ) येथे उघडकीस आली आहे.  पतीच्या गैर हजेरीत आरोपीने तिच्या घरी जाऊन तिला धमकावुन जबरदस्ती प्रताडीत केले. नंतर आरोपी हा महिलेचा पती घरी नसतांना सतत तिच्या घरी जाऊन तिच्यावर बळजबरी करू लागला. असे पिडीत महिलेने पोलिस स्टेशनला दिलेल्या तक्रारीत म्हटले आहे. या तक्रावरुन पोलिसांनी आरोपी विरुध्द लैगिक अत्याचाराचा गुन्हा दाखल केला आहे. 

पिडीत महिला व तिचे शारिरीक शोषण करणारा आरोपी राजुर (कॉ) येथे एकमेकांच्या घराशेजारीच राहतात. आरोपी हा नात्यात महिलेचा भासरा लगतो. लहान भाऊ घरी नसतांना तो दारू पिऊन त्याच्या घरी जायचा व एकटी राहणाऱ्या भावसुनेला धमकावायचा. २९ नोव्हेंबर २०२१ ला लहान भाऊ घरी नसल्याची संधी साधून त्याने घरी एकटी असलेल्या भावसुनेस प्रताडीत केले. याबाबत कुणालाही न सांगण्याची धमकी दिली. त्यांतर आरोपी हा लहान भाऊ घरी नसतांना नेहमी दारू पिऊन त्याच्या घरी जायचा व पिडीतेला धमकावुन, मारहाण करुन तिच्याशी जबरदस्ती प्रताडीत करायचा. जवळपास एक वर्षापासून तो शारिरीक शोषण करित असल्याचे पिडीतेचे म्हणणे आहे. गुरवारी  आरोपीने पिडीतेला जबर मारहाण करुन तिच्यावर  अत्याचर केला. वारंवारच्या जबरी अत्याचाराने त्रस्त झालेल्या महिलेने अखेर आपल्या भासऱ्या विरुद्ध पोलिस स्टेशनला तक्रार नोंदविली. पोलिसांनी प्रकरणाचे गांभीर्य लक्षात घेता तत्काळ आरोपी  याला अटक करून त्याच्या विरुध्द भादंवी च्या कलम ३७६(२)एन, ३२३, ५०४ नुसार गुन्हा दाखल केला आहे.  पुढील तपास ठाणेदार श्याम सोनटक्के यांच्या मार्गदर्शनात एपिआय शिवाजी टिपूर्णे करित आहे.