बाबुमिया शेख यांचा आदर्श शिक्षक पुरस्काराने गौरव..!

सय्यद शब्बीर जागीरदार (तालुका जिवती) :- राजुरा पंचायत समिती अंतर्गत जि.प.उच्च प्राथमिक शळा पांचाळा येथील भाषा विषय शिक्षक बाबुमिया शेख यांना  मा. ना. विजयभाऊ वडेट्टीवार आपत्ती व्यवस्थापन मंत्री म. रा. यांचे शुभ हस्ते तथा कार्यक्रमाचे अध्यक्ष मा. सौ. संध्याताई गुरनुले, अध्यक्ष जि. प. चंद्रपूर, मा. डॉ. मिताली सेठी, मुख्य कार्यकारी अधिकारी, जि. प. चंद्रपूर, मा. आमदार श्री. किशोर जोरगेवार चंद्रपूर, मा. सुरेखाताई कारेकर, उपाध्यक्ष जि. प, मा. जितेंद्र लोखंडे शिक्षणाधिकारी प्राथ, व अन्य मान्यवरांच्या उपस्थितीत सन्मानपूर्वक जिल्हा परिषद चंद्रपूर येथील पुरस्कार वितरण सोहळ्यात शिक्षक दिनी पुरस्कार प्रदान करण्यात आला. 

जिल्हा परिषद उच्च प्राथमिक शाळा पांचाळा या शाळेत कार्यरत उपक्रमशील व तंञस्नेही शिक्षक बाबू शेख हे इंग्रजी विषय शिक्षक म्हणून विद्यार्थ्यांना ज्ञानदानाचे कार्य करित आहे.वयाच्या ५५ वर्षातही त्यांनी दररोज आॕनलाईन गुगल मीट,झुम व गुगलद्वारे विद्यार्थ्यांना अध्यापन करतात.  बाबुमियां शेख  यांना यंदाचा जिल्हा परिषद चंद्रपूर चा आदर्श शिक्षक पुरस्कार जाहीर झाला. जिवती,मंगी बु या दुर्गम आदिवासी भागात 30 वर्ष सेवा व भेंडाळा व पंचाळा येथे 3 वर्ष सेवा दिलेली आहे.त्यांचे अनेक विद्यार्थी यशस्वी होऊन शासकीय सेवेत उच्च पदावर कार्यरत आहेत.त्यांच्या इंग्रजी विषयाच्या प्रभावी अध्यापनाचा ठसा हजारो विद्यार्थ्यांवर उमटलेला प्रत्यक्ष अनुभवलेला आहे.त्यांच्या काळात अनेक उपक्रम राबवून शाळेला उंचीवर नेण्याचे कार्य केले असून सर्वत्र त्यांचे अभिनंदन केले जात आहे