अबब..! नकोडा येथे चोरट्याने एक लोखंडी टाकी पूर्णपणे गायब केली.

नौशाद शेख (घुग्घुस ): नकोडा येथे पाण्याच्या टाकीत चोरट्यानी रात्री 11 वाजता 10 ते 15 च्या मुख्य भंगार चोराच्या टोळीने प्रवेश करून गॅस कटर ने लोखंडी टाकीचे साहित्य कापले व एक लोखंडी टाकी पूर्णपणे गायब केली आहे. शुक्रवारी रात्री सर्च टीव्ही प्रतिनिधी नौशाद शेख यांनी सब एरिया मॅनेजर ओमप्रकाश फुलारे यांना चोरी होत असल्याची माहिती दिली त्यांनी एमएसएफच्या सुरक्षा रक्षक अनिल शेवाळे, अतुल तुपे यांना सांगितले त्यामुळे काही सुरक्षा रक्षक तिथे गेले परंतु येणार असल्याची माहिती मिळताच चोरट्यानी पळ काढला सकाळी याठिकाणी एक सुरक्षा रक्षक तैनात करण्यात आला आहे. सकाळी नकोडा सरपंच किरण बांदूरकर व ग्रामपंचायत सदस्य प्रभाकर लिंगमपेल्ली यांनी पाण्याच्या टाकीची पाहणी केली.

 नकोडा येथे गावा जवळ पाणी पुरवठा करण्यासाठी वेकोलीची पाण्याची टाकी आहे वार्ड क्र 4 व 5 ला पाणी पुरवठा करण्यासाठी बांधली आहे. परंतु घुग्घुस परिसरातील भंगार चोरांनी पाण्याच्या टाकीचे लोखंडी पत्रे कापून नेले आता पर्यंत लाखो रुपयाचे भंगार साहित्य चोरीस गेले टाटा सुमो, मालवाहक वाहनाने भंगार चोरण्यासाठी चोर तिथे जातात.

काही दिवसापूर्वी ओमटी कंपनीत लाखो रुपयाची चोरी झाली होती. या भंगार चोरट्याचा बंदोबस्त करण्याची मागणी नकोडा सरपंच किरण बांदूरकर यांनी केली आहे.