मयत शिक्षकांना जुनी पेन्शन योजना लागू करा, डॉ. पंजाबराव देशमुख शिक्षक परिषदेची मुख्यमंत्र्यांकडे मागणी.. !

भारतीय वार्ता :  शासकीय सेवेत रुजू झालेल्या सन २००५ नंतरच्या सर्व मयत शिक्षकांना जुनी पेन्शन योजना व अनुकंपा धोरण लागू करावे अशी मागणी डॉ. पंजाबराव देशमुख शिक्षक परिषदेचे जिल्हाध्यक्ष एम. एम. खुटे यांनी मुख्यमंत्री उध्दव ठाकरे यांच्याकडे निवेदनाद्वारे केली आहे.
    शासनाच्या नवीन धोरणानुसार सन २००५ नंतर शासकीय सेवेत रुजू झालेल्या शिक्षकांना जुनी पेन्शन योजना व अनुकंपा धोरण लागू नाही. सन २००५ नंतर शासकीय सेवेत रुजू झालेल्या कित्येक शिक्षकांचा विविध कारणांमुळे दुर्दैवाने मृत्यू झालेला आहे.
    मयत झालेल्या शिक्षकांच्या परिवाराला पेन्शन मिळत नसल्यामुळे त्यांचे कुटुंब त्यांच्या पश्चात अतिशय हलाखीचे जीवन जगत आहे. त्यांच्या परिवाराला मुला मुलींचे शिक्षण, विवाह, कुटूंबाचा उदारनिर्वाह कसा करावा यासारख्या अनेक समस्यांना त्यांना तोंड द्यावे लागत आहे.
     मानवीय भावनेतून सन २००५ नंतरच्या किमान मयत शिक्षकांच्या परिवाराला जुनी पेन्शन योजना व अनुकंपा धोरण लागू करून जगण्यासाठी आधार द्यावा असे निवेदनात म्हटले आहे.
       निवेदनावर एम.एम.खुटे,अरुण गोर्डे, भास्कर गोपाळ, गोविंद गायकवाड, आत्माराम गोर्डे, योगेश गायकवाड, सतिश पिवळ,गोरख जगताप, दिपक नवथर, अशोक आढाव, अण्णासाहेब इंगळे, गणेश पुरी, नारायण बहिर,माणीक नल्लेवाड आदिच्या स्वाक्ष-या आहेत.