एक दिवसीय राज्यव्यापी धरणे आंदोलन..!

OBC(VJ, NT, SBC) जातनिहाय जनगणना कृती समिती,वणी-झरी-मारेगाव, स्टुडंट्स राईट्स असोसिएशन ऑफ इंडिया तसेच संघर्ष वाहिनी च्या वतीने आवाहन

" जय ओबीसी.....! जय संविधान....! "

आशिष साबरे (यवतमाळ जिल्हा प्रतिनिधी) वणी : राष्ट्रीय जनगणना 2021 मध्ये OBC(VJ, NT, SBC) ची जातनिहाय जनगणना करण्यास स्पष्ट नकार देणाऱ्या केंद्रातील मोदी सरकारचा धिक्कार करण्यासाठी आणि महाराष्ट्र शासनाने दोन वर्षांपूर्वी OBC(VJ, NT, SBC) विद्यार्थ्यांसाठी घोषित केलेली 72 शासकिय वसतीगृहे गेली कुठे? याचा जाब विचारण्यासाठी " एक दिवसीय राज्यव्यापी धरणे आंदोलन" शनिवार दि.30 ऑक्टोबर 2021 ला सकाळी 11 ते 2 वाजेपर्यंत तहसील कार्यालयासमोर,वणी येथे आयोजित केले आहे.तरी समाजबांधवांनी,आपल्या भावी पिढ्यांच्या उज्वल भवितव्यासाठी बहुसंख्येने धरणे आंदोलनात सहभागी व्हा!असे आवाहन OBC(VJ, NT, SBC) जातनिहाय जनगणना कृती समिती,वणी-झरी-मारेगावच्या वतीने करण्यात येत आहे. हे एक दिवसीय राज्यव्यापी आंदोलन संपूर्ण महाराष्ट्रात मा उमेश कोराम अध्यक्ष स्टुडंन्ट्स राईट्स असोसिएशन ऑफ इंडिया यांच्या नेतृत्वाखाली आयोजित केले जाणार आहेत.