एक प्रेरणादायी प्रवास: 'सूर्या' लेखक, दिग्दर्शक शरद गोरेंची समाजाला दिशा देणारी नवी कलाकृती.

भारतीय-वार्ता (वणी):   विविध विषयांवर नव नवीन चित्रपट मनोरंजना साठी येत असतात मनोरंजनातून प्रबोधन करण्याचे सूञ हे फार मोजक्याच लेखक आणि दिग्दर्शक यांना शक्य होते साहित्य विश्वात  साऱ्या महाराष्ट्राला परिचित असलेलं नाव म्हणजे शरद गोरे!अतिशय गरीब शेतकरी कुंटूंबातील होणारी आर्थिक चणचण,कर्जबारी पणा सावकाराकडून होणारी पिळवणूक यातून होणारी कुटूंबाची परवड,या गर्द  काळोखातून संघर्ष करीत आपल्या आई वडिलांसाठी समर्पित भावनेने स्वप्नांचा यशस्वीपणे पाठलाग करणारा व विविध प्रकारच्या संकटाच्या छाताडावर मोठया हिंमतीने उभा राहणारा मुलगा म्हणजे सूर्या. 

 सूर्या या नायकाचा संघर्षपूर्ण प्रवास नव्या पिढीस नक्कीच उदबोधक व प्रेरणादायी ठरवा असाच आहे, या संघर्षातून तो कसा जिल्हाधिकारी होतो हा प्रवास अतिशय प्रभावी पध्दतीने लेखक,दिग्दर्शक शरद गोरेंनी चिञीकरणातून या चित्रपटात मांडला आहे,  सूर्या या नायकाची भूमिका  नितीन पाटील यांनी खूप प्रभावीपणे साकारली आहे,प्राची सुर्यवंशी हि नायिकेच्या तर राहूल शिंदे वडील व सुजाता काळोखे आईच्या भूमिकेत प्रेक्षकांसमोर येत आहे लेखक,दिग्दर्शक शरद गोरे हे प्रथमच खलनायकाच्या भूमिकेत दिसणार आहेत, सुनील साबळे,अमोल कुंभार,रोहिणी कोकणे, दिव्या माने हे सहकलाकार आहेत, नील पाटील,विक्रांत नळे या बालकलाकारांनी आपल्या भूमिका उत्तम केल्या आहेत, छायांकन रवींद्र लोकरे यांनी केले आहे तर सुवर्णा पवार,प्रकाश बनसोडे, डाॅ.गणेश महामुणी व शरद गोरे यांनी गीत लेखन केले असून,ज्ञानेश्वर मेश्राम ,जितेंद्र अभ्यंकर,राखी चौरे,राजेश्वरी पवार आदी गायकांनी गाण्यांना सुमधूर असा स्वरसाज चढिवला आहे,तर शरद गोरे यांनी अतिशय श्रवणीय संगीत दिले आहे, शरद गोरे यांनी दिग्दर्शित केलेला  प्रेमरंग हा चित्रपट 2019साली प्रदर्शित झाला होता, अखिल भारतीय मराठी साहित्य परिषदेचे संस्थापक व राष्ट्रीय अध्यक्ष म्हणून गेली 28 वर्षे साहित्य संवर्धनाचे काम करीत आहेत,
GSM films ने या चिञपटाची निर्मिती केली असून लवकरच हा चित्रपट प्रेक्षकांच्या भेटीला येत आहे.