ताडोबा-अंधारी व्याघ्र प्रकल्पात गजराज नावाचा हत्तीने घेतला एकाचा जीव 

मुख्य लेखापाल गौरकर यांचा मृत्यू , गजराज हत्तीला शांत करण्यात आले वन विभागाला यश 

चंद्रपुर : ताडोबा-अंधारी व्याघ्र प्रकल्पातील बोटेझरी छावणीत गुरुवार 6 में रोजी सायंकाळी ८ वाजताच्या सुमारास एक गजराज नावाचा हत्ती चवथाळल्याने लेखापाल आणि सहायक वनसंरक्षक (एसीएफ) यांच्यावर जीव घेणा  हल्ला केला यात मुख्य लेखापाल गौरकर यांचा मृत्यू झाला तर एसीएफ थोडक्यात बचावले. हि घटना रात्री ८ वाजण्याच्या सुमारास बोटेझरी छावणी परिसरात घडली. ताडोबा-अंधारी अभयारण्य राष्ट्रीय प्रकल्पात पर्यटना करिता बोटेझरी छावणीत गजराज नावाचा हत्ती आहे. येथे येणारे पर्यटक गजराजची शाही स्वारी करत पर्यटनाच्या 
 मनमुराद आनंद लुटतात. परंतु सध्या राज्यभरात सुरू असलेल्या संचार बंदीमुळे  ताडोबा-अंधारी प्रकल्पात पर्यटनाची सफारी  बंद आहेत.त्यामुळे या ठिकाणी पर्यटकांचे येणे-जाणे महिनाभरापासून थांबले आहे. गुरुवारी ताडोबा-अंधारी प्रकल्पातील बोटेझरी छावणीत गजराज सायंकाळी ८ च्या सुमारास अचानक आक्रमक  झाला.अचानकपणे चवताळलेल्या गजराज हत्तीची माहिती  अधिकारी व कर्मचाऱ्यांना मिळाली  नाही. याच परिसरात कोळसा प्रकल्पाचे कार्यालय आहे. कोळशा प्रकल्पाचे एसीएफ  कुलकर्णी आणि मुख्य लेखापाल (एफडी टीएटीआर) हे या परिसरात  दोघेही वाहनाने जंगलात पेट्रोलिंग करीत होते. त्यांचे वाहन चिखलात अडकले आणि जवळच आलेल्या हत्तीकडे पहात त्यांनी वाहन सोडले. चवथाळलेल्या हत्तीने दोघांवर हल्ला केला व  दुर्दैवाने टीएटीआरचे मुख्य लेखापाल  गौरकर यांचा या घटनेत मृत्यू झाला. तर एसीएफ मात्र थोडक्यात बचावल्याचे वृत्त हाती आले . रॅपिड रिस्पॉन्स टीम आणि पशुवैद्य  टीएटीआरचे अधिकारी घटनास्थळी दाखल झाले होते . हत्तीला शांत आणि संयमित ठेवण्यासाठी रेस्क्यू करण्यात आले . या भागातील खेड्यातील वास्तव्यास असणा-या नागरिकांना चवथाळलेल्या हत्ती बाबत सावध करण्यात आले. हत्तीला पकडण्यासाठी व अनुचित प्रकार घडू नये यासाठी ताडोबा अंधारी प्रशासनाचा  वतीने अनेक प्रयत्न केले गेले होते व त्या हत्तीला वन विभागाने पकडून त्याला शांत  केले असून आता तो स्थिर असल्याचे ताडोबा अंधारी व्याघ्र प्रकल्पातील मुख्य अधिकारी यांनी सांगितले आहे