गुरुकुल कॉन्व्हेंट मुकुटबन येथे अमृत महोत्सवी स्वातंत्र्य दिन उत्साहात साजरा..!

दुसऱ्यांदा विद्यार्थ्यांविना साजरा झाला स्वातंत्र्य दिन

आशिष साबरे (वणी-विभागीय-प्रतिनिधी) : येथील नावलौकिक असलेल्या गुरुकुल कॉन्व्हेंट येथे भारताचा अमृत महोत्सवी म्हणजेच ७५ वा स्वातंत्र्य दिन मोठ्या उत्साहात साजरा करण्यात आला. कोरोना जागतिक साथरोग अधिनियमामुळे दुसऱ्यांदा विद्यार्थ्यांविनाच स्वातंत्र्य दिन शाळेला साजरा करावा लागला.काल दिनांक १५ ऑगस्ट २०२१ रोज रविवार ला सकाळी ८ वाजता प्रतिष्ठित पाहुण्यांच्या , मुख्याध्यापक व शिक्षकांच्या उपस्थितीत स्वातंत्र्य दिन साजरा करण्यात आला. संस्थेचे संचालक मा दीपक बरशेट्टीवार सर यांच्या हस्ते ध्वजारोहण करून भारताचा भव्य दिव्य असा अमृत महोत्सवी स्वातंत्र्य दिन साजरा करण्यात आला. आदरणीय भारतमाता, देशाचे राष्ट्रपिता थोर स्वातंत्र्य सेनानी महात्मा गांधीजी व घटनेचे शिल्पकार भारतरत्न डॉ बाबासाहेब आंबेडकर यांच्या प्रतिमेचे पूजन करून पाहुण्यांच्या हस्ते माल्यार्पण करण्यात आले.या प्रसंगी देशासाठी आपल्या प्राणांची आहुती दिलेल्या सर्व महान स्वातंत्र्य सेनानींचे स्मरण करण्यात आले. या समारंभाला संस्थेचे संचालक मा सुनील उत्तरवार सर, मा दीपक बरशेट्टीवार सर, शाळेचे मुख्याध्यापक मा सुभाष गजभिये सर प्रमुख पाहुणे म्हणून उपस्थित होते. तसेच शाळेचे शिक्षक मा आशिष साबरे सर, मा अविनाश कोठळे सर, सौ संगीता वैद्य मॅडम , मा रविंद चहारे सर, मा गावंडे सर, व शिक्षकेत्तर कर्मचारी सुद्धा उपस्थित होते. कोरोनाविषयक योग्य खबरदारी बाळगून स्वातंत्र्याचा हा अमृत महोत्सवी सोहळा साजरा करण्यात आला. या समारंभाचे संचालन व आभार प्रदर्शन शाळेचे इंग्रजी शिक्षक आशिष साबरे यांनी केले.