अमरदीप लोखंडे यांनी स्वातंत्र्यदिनी रोड वरील बस थांब्यावर वृक्षारोपण करून स्तुत्य उपक्रम राबविला..!

आवळगाव : ७५ व्या स्वातंत्र्य दिनाचे औचित्य साधून श्री अमरदीप प्रल्हाद लोखंडे महाराष्ट्र विद्यालय, आवळगाव तालुका ब्रह्मपुरी यांनी विद्यालयाच्या प्रांगणात पिंपळाचे झाड तसेच ब्रह्मपुरी ते आरमोरी रोड वरील नदीघाट बस स्टॉप, चौगाण फाटा बस स्टॉप, पारडगाव बस स्टॉप तसेच ब्रह्मपुरी येथील राजीव गांधी सभागृह येथील पटांगणात वट वृक्षाचे (वडाचे)झाडे लावून वृक्षारोपण केले .

वृक्षारोपण करताना श्री पद्माकर पाटील खेवले व दिवाकर उरकुडे आवळगाव यांनी मोलाचे सहकार्य केले .तसेच वार्ताहर प्रशांत डांगे यांनी राजीव गांधी सभागृहाच्या प्रांगणात वडाचे झाड लावण्यासाठी खूप मोलाचे सहकार्य केले. रोड वरील बस स्टॉप  वरतीच दीर्घकाळ टिकणारे वडाची झाडे लावण्याचा उद्देश म्हणजे एस.टी .बसची वाट पाहात राहणाऱ्या प्रवाशांना सावली मिळावी. गडचिरोली , नागपूर, चंद्रपूर ,ब्रह्मपुरी कडे जाणाऱे प्रवासी उन्हात उभे राहून एस.टी. बस ची वाट पाहत असतात.