रस्त्यावर उभ्या असलेल्या ट्रक ला दुचाकीने धडक दिली असून यात दुचाकी चालक गंभीर जखमी झाला आहे. ओवैस शेख असे जखमीचे नाव असून त्याच्या डोक्याला गंभीर दुखापत झाली आहे.

देवानंद ठाकरे (घुग्घुस प्रतिनिधि) : घुग्गुस म्हातारदेवी रोडवर बंद असलेल्या भाटिया कोल वशरीज जवळ मोठ्या प्रमाणात कोळशाच्या ट्रक उभ्या असतात.तसेच या मार्गावर मोठमोठे खड्डे पडले असून दुचाकी चालकांचा तोल जाऊन येथे अनेक अपघात सुद्धा घडले आहेत.अशातच काल रात्री ओवैस शेख हा इसम आपल्या दुचाकीने कामावरून घरी जात होता. मात्र रस्त्यावर उभ्या असलेल्या ट्रकला दुचाकीने जबर धडक दिली.यात त्याच्या डोक्यावर दुखापत झाली आहे. 

बंद असलेल्या कोल वाशरीज जवळ एवढ्या मोठ्या प्रमाणात कोळशाच्या ट्रक उभ्या असल्याने कोळसा तस्करीची शक्यता नाकारता येत नाही.तसेच विमला सायडिंग जवळ सुद्धा मोठ्या प्रमाणात कोळसा उतरविला जात असल्याने मोठी शंका निर्माण झाली आहे. त्यामुळे रस्त्यावर उभ्या राहत असलेल्या ट्रकवर कारवाई करावी, व  रस्त्यावर लाईटची व्यवस्था करून ट्राफिक पोलिसांनी याकडे लक्ष द्यावे अशी मागणी करण्यात येत आहे.