युवा प्रतिष्ठान कोरपणा तर्फे निराधाराला एक छोटासा मदतीचा हात

उपक्रमात सर्व सदस्ययांनी  मिळून गावातील काही कुटुंबा कडुन रद्दी आणि भंगार वस्तु गोळा केल्या व त्या बाजारात विकून त्यातून जो मोबदला मिळाला त्यातून काही निराधारणा मदत करण्याचे ठरवले होते.

भारतीय वार्ता:  जे का रंजले गांजले तयासी म्हणे जो आपुले या सुभाषितप्राणे समाजातील दिन दुबळ्या व विकलांग घटकाकरीता युवा प्रतिष्ठान आजपर्यंत सदैव कार्य करीत आहे . गेल्या दिवाळी ला युवा प्रतिष्ठान तर्फे निराधारची दिवाळी हा ऊपक्रम राबविण्यात आला होता .या उपक्रमात सर्व सदस्ययांनी  मिळून गावातील काही कुटुंबा कडुन रद्दी आणि भंगार वस्तु गोळा केल्या व त्या बाजारात विकून त्यातून जो मोबदला मिळाला त्यातून काही निराधारणा मदत करण्याचे ठरवले होते. पण दहा व्यक्ति ना छोटीसी मदत देण्यापेक्षा एकाच व्यक्तीला आयुष्यभरांची मदत करावी असे युवा प्रतिष्ठान चे अध्यक्ष नितीन बावणे आणि सर्व सदस्ययांनी मनाशी ठरवले. समाजात आजही असे अनेक कुटुंबे आहेत ज्यांच्या दोन वेळच्या जेवणाचा प्रश्न बिकट असतो . यातील अनेक व्यक्ति रस्त्यावर व उघड्यावर व्यवसाय थाटुन त्यातून मिळणाऱ्या जेमतेम रक्कमे वर आपल्या कुटुंबाचा गाडा चलवितात . कोरपणा शहरात अशीच एका पाया नी विकलांग असलेले श्री. श्यामसुंदर शिरपूरवार गावातील  मुख्य चौकात चिंचेच्या झाडाखाली उघड्यावर पंचर दुरुस्तीचे दुकान चालवितात  त्यातून मिळणाऱ्या रक्कमेवर कुटुंबाचा उदरनिर्वाह करतात . श्यामसुंदर शिरपूरवार यांच्या डोक्यावर छत नसल्याने ऊन , वारा,पावसाचा  फटका बसत असतो. त्यांची ही अडचण युवा प्रतिष्ठान च्या पदाधिकार्याना हेरावली , दिवाळीत त्या निराधार व्यक्तीला मदत करण्याची खूणगाठ मनाशी बांधली होती , आज रोजी राष्ट्रमाता आई जिजाऊ व स्वामी विवेकानंद जयंती आणि राष्ट्रीय युवक दिनानिमित्य जिल्हा मध्यवर्ती बँकेचे संचालक श्री . विजयरावजी बावणे, प्राचार्य श्री. संजय ठावरी सर,श्री. संजीव चांदूरकर सर,श्री. मिंन्नाथ महाराज पेटकर , श्री . भारतजी चन्ने यांच्या *हस्ते ८×८ चे लोखंडी दुकानाचे गाडे भेट देण्यात आले**कार्यक्रमाचे अध्यक्षस्थानी श्री.भाउरावजी पाटील कारेकार व उद्घाटक श्री. विजयरावजी बावणे, सत्कार मूर्ती श्री. श्यामसुंदर शिरपूरवार सौ. कमलबाई शिरपुरवार व कार्य क्रमाचे प्रमुख मान्यवर हरीदासजी  गौरकार , अनिलभाऊ रेगुंडवार सुनीलभाऊ बावणे ,पुसारांमजी डोगे , जम्मू भाई  संदीप निब्रड ,विजय तेलंग ,अंबदास चव्हाण ,इस्माईल भाई , प्रशांत लोडे ,मोसिम भाई ,रमजाण भाई , मधुकर तात्या हंसकार , सुधाकर दुरटकर , भारत गौरी , कवडू मडावी , उपस्थित होते . कार्य क्रमांचे , संचालन श्री. उमेश पालिवाल , कार्यक्रमाचे प्रस्थावीक युवा प्रतिष्ठान चे अध्यक्ष श्री. नितीन बावणे,कार्यक्रमाचे आभार श्री. वैभव ढोके  सर ,व सहकार्य युवा प्रतिष्ठानचे सर्व सदस्य यांनी केले . व या प्रसंगी युवा प्रतिष्ठान कोरपना व ब्रदर्स ऑन ड्युटी यांच्या तर्फे
स्वामी विवेकानंद व राजमाता जिजाऊ यांची जयंती व राष्ट्रीय युवा दिनानिमित्त आयोजित रक्तदान शिबिरात 80 रक्तदात्यानी रक्तदान केले..