पाईप लाईनच्या कामासाठी खोदलेल्या खड्ड्यात पडून इसम गंभीर जखमी

अपघात झाला तो दुचाकी धारक गंभीर जखमी असून त्याचा उपचारादरम्यान मृत्यू झाल्यास जबाबदार कोण राहिल?

वणी : शहरातील वाटर वर्क समोरील रस्त्यावरील मुख्य पाईपलाईन फुटली असल्याने बुधवारी मोठा खड्डा खोदण्यात आला.परंतु सायंकाळपर्यंत काम पूर्ण न झाल्याने तो खड्डा तसाच ठेवण्यात आला.त्या खड्ड्या जवळ फक्त पट्ट्या लावण्यात आल्या व दुसऱ्या दिवशी त्या पट्ट्या सुद्धा नव्हत्या. नंतर गुरुवारी आणखी मोठा खड्डा खोदण्यात आला मात्र त्या पाईपलाईनचे काम पूर्ण केले नाही. आणि खड्डा तसाच ठेवण्यात आला. दिनांक 24 डिसेंबर गुरुवारला सायंकाळी तेथे बेजबाबदार ठेकेदार यांनी तेथे बॅरिकेट किंवा कोणत्याही प्रकारचे सूचनांचे बोर्ड लावले नाही.  त्यामुळे रंगारी पुरा येथून येणाऱ्या नागरिक खड्ड्यात पडून गंभीर जखमी झाला. अपघात झाला तो दुचाकी धारक गंभीर जखमी असून त्याचा उपचारादरम्यान मृत्यू झाल्यास जबाबदार कोण राहिल? असा प्रश्न येथील नागरिक करीत आहे.