घुग्घुस येथील बसस्थानक चौकात ट्रक मधील कोळसा मोठया प्रमाणात रस्त्यावर पडला..!

नौशाद शेख (घुग्घुस) : रविवार 17 ऑक्टोबर रोजी सकाळी दरम्यान एमएच 40 सीडी 5811 हे जडवाहन कोळसा घेऊन असतांना घुग्घुस येथील बसस्थानक चौकात ट्रक मधील कोळसा मोठया प्रमाणात रस्त्यावर पडला कोळश्याचे मोठे ढेले रस्त्यावर पडताच काही नागरिकांनी पडलेला कोळसा उचलून घरी नेला.  सकाळी दरम्यान हे जडवाहन कोळसा खाणीतून कोळसा भरून घुग्घुस शहरातून जात होते जात असतांना अचानक जडवाहनाच्या  मागच्या बाजूच्या पल्ल्यातून कोळसा खाली पडण्यास सुरु झाले परंतु यात कोणीही सापडले नाही सुदैवाने कोणतीही जीवितहानी झाली नाही. कोळसा खाली पडत असतांना एखादी दुचाकी स्वार किंवा पदाचारी यात सापडला असता तर मोठी जीवितहानी झाली असती. मागील काही महिन्यापासून घुग्घुस शहरातून कोळश्याच्या जडवाहनांची वाहतूक जोमाने सुरु आहे.

घुग्घुसच्या सीमेलगत वेकोलीच्या मुंगोली, पैंनगंगा कोळसा खाणीतून कोळसा भरून जडवाहने रेल्वेसायंडींग वर खाली करण्यासाठी जात असतात दिवसरात्र या जडवाहनांची वाहतूक सुरूच असते. या जडवाहनांची कोळश्याची वाहतूक रोखण्यासाठी अनेक राजकीय पक्षांनी रस्तारोको आंदोलन केली व निवेदन ही दिले आहे परंतु या कोळशाच्या जडवाहनांची वाहतूक घुग्घुस शहरातून सुरूच आहे.